Ministra Saude Odete Maria Freitas Belo hamutuk ho Vise Ministru Bonifacio Maucoli dos Reis, inagura Sentru Saude Hatulia B.Imajen/Felicidade Ximenes.

HATULIA,08 agostu 2020 (TATOLI)-Ministra Saúde, Odete Maria Freitas Belo, hamutuk ho Vise Ministru Saúde, Bonifácio Maucoli dos Reis, iha sesta ne’e inagura ona Sentru Saúde Cabo Martinho da Silva Guisarudo Postu Administrativu Hatulia B Munisípiu Ermera.

Projetu ne’e konstrõe husi Kompaña Altarica Unipessoál LDA ho orsamentu  hamutuk $ 423.900, obra ne’e implementa hahú iha fulan-outobru 2019 no ramata iha iha fulan-jullu 2020.

Notísia Relevante :Vise MS inaugura Postu Saúde Atara

”Iha oitavu Governu ne’e Ministériu Saúde tenki lori besik atendimentu ba komunidade sira ne’ebé mak dook husi Sentru Saúde no Postu Saúde sira,”dehan Ministra Saúde, Odete Maria Freitas Belo, durante inagura Sentru Saúde ne’e iha Hatulia, sesta ne’e.

Nia hateten funsionamentu Sentru Saúde ne’e la’ós de’it ba ema moras maibé  presiza atu implementa mós servisu koidadu saúde primária hodi fó imunizasaun ba labarik no inan isin-rua sira.

”Iha sentru Saúde ne’e mós ita haree dauaun sasan balun iha ona hanesan kama iha materia médiku nian no sasán balun ita sei kompleta tan bainhira orsamentu COVID-19 nian sei iha.  Ami haree no espera katak orsamentu ida ne’e ita halo kompras ita bele aumenta ka kompleta ekipamentus ne’ebé mak falta iha sentru saúde ida ne’e,”katak Odete.

Maski foin inagura maka inagura maibé Sentru Saúde ne’e  antes ne’e hahu funsiona hodi atende pasiente sira husi suku lima iha Postu Administrativu Hatulia B ninian.

Sentru Saúde ne’e iha ona profisionál Saúde na’in sia kompostu hosi médiku, doutór, enfermeiru, parteira no seluk tan.

“Agora daudaun ita inagura ona maibé presiza rekusu  umanu tanba la’ós ita inagura tiha depois sentru saúde atu taka de’it lae tenki uza ona hodi halo atendimentu ba komunidade sira iha Hatulia B,” Nia hateten.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here