Enkontru Primeiru-Ministru, Taur Matan Ruak ho Sekretáriu Estadu haat hodi ko’alia kona-ba kooperativa komunitária, sesta (07/08), iha Palásiu Governu. Imajen/SEII

DILI, 07 agostu 2020 (TATOLI)-Primeiru-Ministru Taur Matan Ruak, konvoka reuniaun ho Sekretáriu Estadu Arte no Kultura (SEAK), Teófilo Caldas, Sekretária Estadu ba Igualdade no Inkluzaun (SEII), Maria José da Fonseca Monteiro de Jesus, Sekretáriu Estadu Kooperativas (SEKoop), Elizário Ferreira no Sekretáriu Estadu Juventude no Desportu (SEJD), Abrão Saldanha, hodi ko’alia kona-ba estabelesimentu kooperativa komunitária.

Hafoin enkontru, Sekretáriu Estadu Elizáriu informa katak iha enkontru ne’e Xefe Governu orienta atu estabelese kooperativa komunitária iha tempu badak nia-laran.

“Hosi enkontru ne’e ho orientasaun hosi Primeiru-Ministru, sei estabelese kooperativa tuir prinsípiu kooperativa iha postu administrativu, nível suku, mínimu suku ida kooperativa komunirativa másimu kooperativa rua, bazeia ba poténsia suku ida-idak nia,” informa governante ne’e hafoin ekontru iha Palásiu Governu, sesta ne’e.

Nia dehan, bainhira suku ida iha kapasidade rekursu di’ak, kooperativa komunitária bele liu ida atu nune’e bele kria kondisaun ekonomia sósiu ekonómiku ba populasaun iha territóriu tomak.

“Ami simu orientasaun ne’e hodi hala’o kapasidade no kompeténsia ne’ebé ami iha,” nia akresenta.

Jornalista: Natalino Costa

Editora: Julia Chatarina

 

HAKEREK NO HATÁN

Please enter your comment!
Please enter your name here