Ministra Negósiu Estranjeiru no Kooperasaun (MNEK), Adalgiza Albertina Xavier Reis Magno. Imajen/Egas Cristovão

DILI, 24 jullu 2020 (TATOLI)-Ministra Negósiu Estranjeiru no Kooperasaun (MNEK),  Adaljiza Albertina Xavier Reis Magno, sujere ba Agência TATOLI atu fó mós espasu hodi halo kobertura ba interese Estadu nian iha rai-liur ba futuru.

“Ha’u sujere  ba TATOLI atu ativu liu bele halo kobertura ba MNEK nia programa no atividade sira iha rai-laran no rai-liur no mós bele halo analiza hodi publika assuntu sira ne’ebé sai prioridade ba MNEK nian hanesan Polítika esterna,polítika bilaterál, polítika multilaterál no diplomasia  liliu pos COVID-19 agora lao oinsa,”informa Governante ne’e ba Tatoli iha Edifísiu Ministériu Finansa Ai-Tarak-Laran Dili, sesta ne’e.

MNEK ninia programa importante sira iha diaspora hanesan asuntu multilateral iha Jenebra no Nova Iorke hodi tulun nasaun barak ne’ebé maka enfrenta problema barak iha sira nia nasaun.

“Ha’u fó ezemplu ita-nia pozisaun ba Palestina, Sahara Osidentál no mós ita-nia posizaun ba violasaun direitu umanus no liberdade imprensa iha liur no buat barak tan, ida ne’e mak ami sujere ba TATOLI atu halo hanesan kolum ida espesiál ba MNEK,” katak Governante.

Mezmu nune’e, nia orgullu ho prezensa Tatoli nian durante ne’e tanba sempre koopera hodi halo kobertura ba atividade MNEK nian.

“Parabéns TATOLI foin mak tinan haat de’it maibé hanesan Agíncia ida ne’ebé ativu tebes  kuaze akontesimentu ne’ebé akontese  iha Timor laran sempre iha kobertura hosi TATOLI, hosi notisia ki’ik no  bo’ot. Ha’u observa katak  TATOLI atu halo publikasaun sempre buka maneira para ricek antes publika ba ha’u ida ne’e  Jornalista TATOLI nian professional tebes, dala ida tan Parabéns, Parabéns no Parabéns TATOLI,” dehan Ministra.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here