Deputada CNRT, Carmelita Caetano Moniz. Imajen/dok.TATOLI

DILI, 23 jullu 2020 (TATOLI)—Membru Parlamentu Nasionál, Deputada Carmelita Caetano Monis, observa Agência Notisiosa de Timor-Leste-TATOLI kumpre kompeténsia públika informasaun ho kualidade no kredível. 

Notísia Relevante: PPN Husu TATOLI Públika Informasaun ho Responsabilidade no Rigór

“Ha’u fó parabéns ba Agência TATOLI ne’ebé hahú inisia kedas iha V Governu no VI Governu Konstitusionál ho objetivu ida katak ser uma agência mais qualidade e mais responsável hodi transforma notísia ka informasaun ba públiku ne’ebé ke kualidade no kredível. Ami haree katak durante ne’e, Agência TATOLI hala’o duni kompeténsia ida-ne’e ho di’ak,” dehan Carmelita Caetano Monis ba Agência TATOLI iha ámbitu aniversáriu Agência TATOLI ba dahaat (IV) ne’ebé sei selebra iha loron 27 fulan-jullu tinan ida-ne’e, iha resintu Parlamentu Nasionál, kinta ne’e.

Tanba ne’e, Carmelita kontinua fó hanoin ba jornalista sira iha Agência TATOLI loron-loron tenke estuda hela de’it kualkér profisaun hodi eleva kualidade jornalístika.

Deputada Carmelita orgullu ho ezisténsia Agência TATOLI ne’ebé hamosu ona perspetiva balun durante ne’e públika liuhosi informasaun iha ajénsia refere.

Nia dehan, Agência TATOLI hasai notísia ida-ne’ebé ke di’ak no ekilibriu tanba haree loloos no responsável, akuradu ba buat ne’ebé akontese tuir realidade hodi transforma ema-nia opiniaun la’ós jornalista nia opiniaun hodi hato’o ba públiku.  

“Ha’u kontente ho Agência TATOLI no mós mídia sira seluk maibé husu nafatin ba Agência TATOLI nafatin kapasita jornalista sira-nia kapasidade hodi lori ajénsia ne’e ba futuru sai di’ak liután. Origada no parabéns ba Agência TATOLI,I.P,” nia dehan. 

Jornalista : Evaristo Soares Martins

Editór      :  Cancio Ximenes

HAKEREK NO HATÁN

Please enter your comment!
Please enter your name here