Arsebispu Arkedioseze Metropolitana Dili, Don Virgílio do Carmo da Silva, SDB. Imajen Tatoli/ Egas Cristóvão

DILI, 21 jullu 2020 (TATOLI)-Arcebispu Metropolitana Dili, Dom Virgílio do Carmo da Silva SDB, deklara Igreja Katólika iha Timor-Leste sei kontinua fó apoiu ba Governu hodi dezenvolve setór edukasaun tanba konsidera nu’udar airin ba futuru nasaun nian.

“Ita hotu sei fo apoiu másimu ba ita-nia na’i ulun sira ne’ebé assume responsablidade iha área ne’e atu hamutuk neineik  halo kontinuasaun ba buat ne’ebé iha ona bele sai di’ak liután,” dehan, Dom Virgílio do Carmo da Silva, hafoin simu vizita kortejia ida husi Ministériu Edukasaun Juventude no Desportu iha Câmara Ecleziastika Dioseze iha Lecidere Dili, ohin.

Bibi atan ba sarani iha Dioseze Dili ne’e tenik tan Igreja  hola papel importante ida atu dezenvolve rekursu umanu liuhusi investimentu iha área edukasaun.

“Kooperasaun ne’ebé mak uma kreda realiza ona ho Estadu no Governu durante la’o kapaas tebes,”tenik tan.

Arcebispu Metropolitanu Dili ne’e orgullu ba MEJD tanba uza ona ilas São João Paulo II sai mahein Ministériu Edukasaun nian.

Igreja Katólika durante ne’e kontribui maka’as hodi loke eskola katólika hahú pre-eskolár to’o sekundáriu no tékniku vokasionál hodi hanorin labarik Timoroan sira.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here