Ministra Saúde , Odete Maria Freitas Belo. Imajen Tatoli/Egas Cristovão

DILI, 21 jullu 2020 (TATOLI)-Ministra Saúde, Odete Maria Freitas Belo informa ba jornalista katak Vise-Primeiru-Ministru (VPM), Berta dos Santos katak propoin ba Ministériu Saúde (MS) atu fó atendimentu di’ak ba pasiente sira iha área rurál.

“Nia (VPM) husu ba ami (MS) atu tau prioridade ba asuntu pasiente sira katak atu oinsá ita lori saúde ba iha komunidade sira liliu ba sentru saúde,” Ministra Odete Maria Freitas Belo dehan, hafoin hasoru malu ho VPM, hodi ko’alia kona-ba asuntu sosiál nian, iha Gabinete VPM, Dili, ohin.

Governante ne’e haktuir tan katak, iha ámbitu sorumutu ho VPM ne’e VPM Berta dos Santos mós hatete kona-ba sistema referál nian oinsá mak parte rua ne’e bele diskute atu nune’e bele redús kustu no VPM mós husu atu tau-matan ba enfermeiru no médiku sira ne’ebé mak nia servisu liga ho asuntu pandemia COVID-19 nian.

Ministra Saúde, Odete Maria Freitas Belo haklaken mós perante profisionál komunikasaun sosiál sira katak ekipamentu médiku sira-nian sei falta iha sentru no postu saúde tanba ne’e presiza atu kompleta hodi fasilita médiku sira.

Notísia relevante:Profisionál Saúde HNGV Partisipa Formasaun Kona-ba Kualidade Atendimentu

Jornalista       : Osória Marques

Editór             : Rafy Belo

HAKEREK NO HATÁN

Please enter your comment!
Please enter your name here