Diretór Nasionál PCIC, Vicente Fernandes Brito . Imajen Tatoli/Egas Cristovão

DILI, 20 jullu 2020 (TATOLI)-Durante implementasaun Estadu Emerjénsia fulan-tolu, marsu to’o juñu relasaun ho pandemia globál surtu COVID-19 iha Timor-Leste, Polisia Sientífika Investigasaun Kriminál (PCIC-sigla portrugés), aprezenta kazu krime no seluk tan hamutuk 12 ba Ministériu Públiku.

Diretór Nasionál PSIK, Vicente Fernandes Brito, informa husi kazu hirak ne’e barak liu ho natureza defamasaun liuhusi publikasaun ID falsu sira iha facebook, kazu ameasa no seluk tan.

“Identifikasaun iha facebook ami nian barak liu iha prevensaun, entaun intervensaun PSIK nian halai liu ba administrasaun polisiál, kuandu ami deteta faktu ne’ebé presiza konfirma ema ne’ebé publika iha facebook ladi’ak ami bolu no identifika maibé la’ós krime ami fó hanoin no husu labele halo tan maibé kuandu krime ami halo kedan auto-notísia ba Ministériu Públiku hodi halo prosesu investigasaun no ami haruka ona kazu hamutuk 12 iha Estadu Emerjénsia nia laran,” dehan nia ba jornalista sira iha Parlamentu Nasionál, segunda ne’e.

Daudaun ne’e, Ministériu Públiku halo ona investigasaun ba kazu balun no balun sei iha prosesu nia laran.

“Tipu krime ne’ebé iha ita-nia kódiku penál ne’e iha  jurídiku ne’ebé mak protejidu maibé kuandu iha ona kazu ameasa ne’e perigozu ba ema seluk nia vida, entaun ita foti ona hanesan auto-notísia hodi leventa ba Ministériu Públiku hodi hola medida,” tenik tan.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here