Ezemplu medikamentu paracetamol xarope. Imajen hosi google.

DILI, 15 jullu 2020 (TATOLI)-Ministériu Saúde liuhosi Diresaun Nasionál Farmasia no Medikamentu, kuarta ne’e halo worshop ida ho tema Sistema Jestaun Forñesimentu Medikamentu prosesu kuantifikasaun no produtu farmaseutika ba Diretór Ospitál, Servisu Saúde Munisipál inklui Responsavel Farmasia husi Munisípiu 12 inklui RAEOA.

Diretór Nasionál Farmasia no Medikamentu husi Ministériu Saúde, Alipio Gusmão Lopes, hateten objetivu husi worshop ne’e maka atu avalia no reforsa koñesimentu husi responsavel farmasia ba iha sistema jestaun fornesimentu medikamentu liga ho prosesu kuantifikasaun nian.

“Haree ba prosesu selesaun medikamentu no oinsá aprezentasaun depois prosesu kuantifikasaun dadus husi Postu Saúde nian ba Sentru Saúde depois ba Munisípiu no Munisípiu fó ba Diresaun Nasionál Farmasia hodi nune’e rekapitula depois sai prosesu kuantifikasaun dokumentu ida,” dehan nia ba jornalista sira iha edifísiu SAMES Kampung-Alor Dili, ohin.

Nia informa Diretór sira maka hanesan jestór atu halo jestaun ba fornesimentu medikamentu iha ospitál referál no Sentru Saúde sira.

”Ita-nia Diretór  sira hanesan utilizadór ba siklu jestaun fornesimentu medikamentu,  entaun ida ne’e mak ohin loron ita halo worshop atu fó informasaun ba sira oinsá prosesu ne’e la’o,”tenik tan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here