Vise-Ministru Edukasaun Juventude no Desportu (MEJD), António Guterres Imajen/Osória Marques.

DILI, 15 jullu 2020 (TATOLI)–Governu liuhosi Ministériu Edukasaun Juventude no Desportu (MEJD) esforsu no sei kontinua implementa polítika nasionál no edukasaun inkluzivu hosi nivél pre-eskolar to’o nivél Ensinu Superiór iha territóriu Timor-Leste.

Vise-Ministru Edukasaun Juventude no Desportu (MEJD), António Guterres, hateten servisu sosiál ida ne’ebé mak presiza asesu hosi ema hotu-hotu ho kondisaun hanesan, liuhosi edukasaun mak ema bele dezenvolve potensiál no hetan benefísiu hosi avansu hirak ne’ebé mak TL halo tiha ona.

Nia dehan, benefísiu ne’e la reprezenta de’it direitu no dever sira ne’ebé prevee iha kontituisaun tratadu internasionál maibé reprezenta sosiedade espetativa jerál no mós ba sira ne’ebé mak suporta no hametin igualdade susesu no asesu iha edukasaun.

“Haree ba implementasaun polítika edukasaun inkluzivu buat ne’ebé mak durante ne’e implementa ona mak MEJD liuhosi servisu hamutuk ho parseiru dezenvolvimentu ho formadór sira no master traning ba edukasaun inkluzivu iha munisípiu sira ho Rejiaun Administrativa Espesiál Oé-Cusse Ambeno (RAEOA) hamutuk ema na’in-100. Profesór da turma ba regular ne’ebé mak simu ona formasaun kona-ba edukasaun inkluzivu hamutuk ema na’in-550,” António Guterres hatete iha nia deskursu, iha lansamentu lirvu, iha Hotel Novo Turismo, Dili, kuarta ne’e. 

Nia hateten, MEJD kontinua fó kapasitsaun no koñesementu kona-ba edukasaun inkluzivu liuhosi formasaun kontinua. Ida ne’e, hanesan implementasaun polítika edukasaun inkluzivu mak estudante sira no portadór defesiente sira hamutuk ema na’in-4450 ne’e, asesu ona edukasaun formál no eskola hamutuk ho alunu baibian iha eskola públiku iha munisípiu 12 inklui RAEOA.

Vise-Ministru ne’e hateten, MEJD mós hamutuk ho parseiru dezenvolvimentu sira hodi estabelese ona sentru rekursu tolu (3) iha munisípiu tolu hanesan Aileu, Dili no Lospalos. Sentru rekursu ida-ne’e, nia dehan, iha futuru sei konsentra didi’ak oinsá mak atu dezenvolve di’ak liután hodi bele asegura estudante defesiente sira. 

Tanba, nia dehan, edukasaun hanesan janela mundu nian tanba Timor-Leste iha pasadu la’ós ema hotu-hotu bele asesu ba edukasaun formál liuliu ba sidadaun sira ne’ebé mak ho kondisaun nesesidade espesiál defisiénsia.

“Ema barak mak sei subar no la fó opurtunidade ba sira-nia oan no ba família sira atu asesu ba edukasaun formál ho razaun katak sira-nia kondisaun defisiénsia. Entaun, hahalok ne’e sei kontinua halo diskriminasaun hosi família no sosiedade nia leet,” nia dehan.

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here