DILI, 14 jullu 2020 (TATOLI)–Sekretáriu Estadu Arte no Kultura (SEAK), Teófilo Caldas, hateten UNESCO iha Paris foin lalais ne’e rejista ona tais Timor nu’udar patrimóniu nasaun Timor-Leste nian ho númeru rejista 1688.
“Foin lalais ha’u simu ona notísia husi UNESCO katak ita-nia tais ne’e hetan ona númeru 1688, depois kuandu 2021 mak UNESCO rekoñese ita-nia tais ne’e entaun laiha ona dalan ema seluk atu halo rekuza,” dehan nia ba jornalista sira iha ámbitu lansamentu submisaun relatóriu konvensaun UNESCO 2005, iha edifísiu SEAK, Praia dos Coqueiros, Dili, tersa ne’e.
Notísia Relevante :Timor-Leste Sei Rejistu Tais ba UNESCO
Governante ne’e orgullu ho rezultadu ne’e tanba sei fó benefísiu ba Timor-Leste.
Notísia Relevante :2020, TL Haruka Tais Ba UNESCO Hetan Rekoñesimentu Sai Patrimóniu Kulturál No Materiál
Tuir nia hafoin UNESCO rekoñese tais Timor ne’e iha tinan oin, ekipa SEAK sei konserva uma-lulik hodi haruka tan ba organizasaun ne’e atu rejista hodi legaliza nu’udar patrimóniu TL.
Jornalista : Tomé Amado
Editór : Agapito dos Santos
