Presidente Institutu Nasionál Seguransa Sosiál (INSS) Longuinhos Armando. Imajen/Nelson de Sousa

DILI, 09 jullu 2020 (TATOLI)–Prezidente Konsellu Administrasaun Institutu Nasinál Seguransa Sosiál (INSS), Longuinhos Armando Leite, hateten kompañia ne’ebé mak nia traballdór simu ona pagamentu 60%, hein katak fulan ne’e kompañia bele selu ona 10% ba Governu.

Notísia Relevante: Governu Aloka Osan Miliaun $11 Ba Pagamentu 60% Ba Traballadór

Hafoin Governu ajuda 60%, nia hatutan, durante fulan neen (6) ba oin ne’e kompañia sira labele hapara nia traballadór no kompañia tenke kontribui 10% ba Governu ona.

“Fulan ne’e, ami hein 10% hosi kompañia, 6% hosi empregadór rasik no 4% hosi traballadór sira. Bainhira kompaña la mosu no la selu 10% mak ami sei buka tuir nia. Tanba, ne’e krime no tenke fó fila osan estadu nian,” Prezidente Konsellu Administrasaun INSS, Longuinhos Armando Leite, hato’o ba Agência TATOLI iha nia knaar fatin MSSI Caicoli, Dili, kinta ne’e. 

Se kompañia sira mak la hatama 10% ba Governu, nia hateten, entaun Governu hatene ona katak kompañia rona informasaun hosi Governu atu selu ne’e mak kompañia ne’e hakarak mai rejistu hodi hetan 60% de’it, ne’e sala ona no kontra ona dekretu-lei 16/2020 ne’e.

“Bainhira kompañia bosok no nia la iha traballadór mak servisu iha nia kompañia maka nia sei simu opsaun rua. Ida, nia tenke fó fila osan estadu. Ida seluk, nia sei hasoru tribunál,” nia hateten. 

Tanba, nia dehan, ho subsídiu 60% ne’e Governu atu ajuda traballadór sira ne’ebé mak ativa hela nia servisu iha kompañia durante iha situasaun COVID-19 nia laran. 

“Ho kestaun ne’e, ha’u husu para labele akontese no husu ba kompañia sira ne’ebé mak rejistu nia traballadór sira iha INSS ne’e, atu labele akontese hanesan ne’e,” nia esplika. 

Durante pandemia COVID-19, Prezidente INSS relata katak kompañia hamutuk 200-resin mak rejistu nia traballadór sira iha INSS.

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here