Primeiru-Ministru, Taur Matan Ruak. Imajen Tatoli/Egas Cristovão

DILI, 09 jullu 2020 (TATOLI) – Primeiru Ministru, Taur Matan Ruak, klarifika ezonerasaun Francisco da Costa Monteiro husi kargu Prezidente Konsellu Administrasaun (KA) Timor Gás & Petróliu, Empreza Públika (Timor Gap, Ep) no kargu Prezidente Diresaun Ezekutivu Timor Gap bazeia ba deliberasaun Konsellu Ministru ba proposta Ministériu Petróliu no Minerál (MPM).

“Konsellu Minsitru la ezonera, tanba kompeténsia Ministru Petróliu no Minerál, Victor da Conceição Soares nian ne’ebé propoin tuir lei hateten katak nia (Ministru) bele fó kompeténsia ba ema no bele hasa’e, entaun Konsellu Ministru delibera de’it proposta husi Ministru ne’e ba ezonerasaun Prezidente Timor Gap hodi nomeia fali António José Loiola de Sousa ba kargu refere,” informa PM Taur hafoin enkontru semanál ho Prezidente Repúblika, Francisco Guterres ‘Lú Olo’, iha Palásiu Prezidensiál, Bairro-Pité, kinta ne’e.

Notísia Relevante: Governu Ezonera Francisco Monteiro no Nomeia António José ba Prezidente KA Timor Gap

Maski nune’e, PM dehan, Governu fó apresiasaun maka’as ba kontribuisaun no servisu tomak ne’ebé Prezidente Timór Gap sesante halo ona durante nia mandantu. 

Antes ne’e, hafoin reuniaun ezekutivu iha loron kuarta (08/07), Ministru ba Prezidénsia Konsellu Ministru, Fidelis Manuel Leite Magalhães, hateten Konsellu Minsitru halo ona deliberasaun ida hodi hatutan no konfirma tan proposta ida husi MPM nia kona-ba ezonerasaun Francisco da Costa Monteiro no nomeia filafali Vise-Prezidente Timor Gap, António José Loiola de Sousa ba kargu Prezidente KA Timor Gap durante mandatu tinan haat, hahú husi 2020 to’o 2024.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here