Logotipu MEJD

DILI, 02 jullu 2020 (TATOLI)-Governu liuhosi Ministériu Edukasaun Juventude no Desportu ho Ministériu Saúde husu ba profesór no estudante sira atu kumpre nafatin padraun prevensaun COVID-19.

Vise Ministru Edukasaun Juventude no Desportu, António Guterres, hato’o pedidu ne’e bainhira hamutuk ho Diretóra Saúde Munisípiu Dili, Agostinha Segurado, halo observasaun ba prosesu aprendizajen ba estudante sira iha eskola públiku 30 Agostu Comoro.

“Ita hakarak haree eskola ne’e nafatin kumpre rekezitu  padraun minimu ne’ebé fó sai ona ka lae, tan ita lakohi husi inísiu de’it mak eskola sira hadau malu hakarak kompleta tiha rekezitus sira  maibé ikus  laiha valór,” tenik nia ba jornalista sira iha eskola EBC 30 de Agostu Comoro, kinta ne’e.

Padraun prevensaun moras coronavirus  maka mantein distansiamentu fiziku, sosial, uza máskara,  inatala ekipamentu fase liman no seluk tan.

“Ha’u husu ba dirijente eskola ne’e atu mantein nafatin regras COVID-19 nian, estudante ka profesór ne’ebé kontra regras hitu ne’e ida labele fó lisensa atu partisipa iha atividade aula prejensial,”

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here