Sekretáriu Estadu ba Protesaun Sivíl, Joaquim José Gusmão dos Reis Martins. Imajen /Egas Cristovão

DILI, 02 jullu 2020 (TATOLI) – Primeiru-Ministru (PM) Taur Matan Ruak, fó orientasaun ba Sekretáriu Estadu Protesaun Sivíl (SEPS), Joaquim José Gusmão dos Reis Martins, hodi haree prioridade iha área protesaun sivíl nian iha 2020 no 2021.

“Membru Governu hotu mai hasoru Primeiru-Ministru, inklui ha’u hodi simu orientasaun servisu atu haree ba ida-idak nia portafóliu,” informa SEPS Joaquim José Gusmão dos Reis Martins, ba jornalista sira hafoin hasoru malu ho PM Taur iha Palaçio do Governo, ohin.

Nia hateten, planu prioridade 2020 sei fó kontinuidade ba programa ne’ebé eis Sekretáriu Estadu, Alexandrino Araújo Xavier trasa ona mak hanesan prepara enkuadramentu legal protesaun sivíl nian ba estatutu sira, hadi’a infraestrutura no ekipamentu ba ekipa bombeiru no diresaun dezastre, formasaun ba protesaun sivíl tomak liu-liu formasaun jerál ba diresaun espesífiku no kontinua hala’o kooperasaun bilateral, regional no internasionál ho ajénsia nasionál no internasionál ne’ebé haree ba asuntu formasaun no dezastre.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here