Komandante Jerál PNTL Komisáriu Faustino da Costa kontinénsia ba Primeiru-Ministru, Taur Matan Ruak ho Vise Ministru Interiór, António Armindo. Imajen/Eugénio Pereira

DILI, 30 juñu 2020 (TATOLI)- Dezde kedas tinan 2015 mai to’o 2019, Komandu Polísia Nasionál Timor-Leste (PNTL) seidauk rezolve no selu dívida ho montante  milaun $2-resin.

Komandante Jerál PNTL, Komisáriu Faustino da Costa, promote komandu sei selu dívida hotu iha tempu besik.

 “Ami iha duni dívida barak dezde 2015 to’o 2019 ninian ne’ebé ho montante ida boot tebes- tebes milaun $2-resin  ne’ebé ami identifika ona para bele selu iha tempu besik,”  informa Komisáriu Faustino da Costa, ba jornalista sira, ohin, iha edifísiu Ministériu Interiór, Vila-Verde, Dili.

Daudaun ne’e, Komisáriu Faustino da Costa hatutan, ekipa aprovizionamentu no Departamentu Finansas PNTL nian aprezenta ona relatóriu ba Governu Timor-Leste liuhosi Ministériu Interiór hodi haree prosesu pagamentu ne’e hodi hein OJE 2021 bele aloka atu dezenvolve Komandu PNTL.

Tuir relatóriu Komandu PNTL nian maioria dívida ne’ebé iha husi bens servisu nian maka barak liu, inklui orsamentu ba kombustivel, ba ofisina sira ne’ebé halo manutensaun ba transporte ho mós dívida ba kompañia telekomunikasaun Telemor nian no seluk tan.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here