Ministra Negósiu Estranjeiru no Kooperasaun (MNEK), Adalgiza Albertina Xavier Reis Magno. Imajen/Egas Cristovão

DILI, 29 juñu 2020 (TATOLI)-Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, promete durante ninia mandatu tinan rua-resin sei esforsu ba prosesu adezaun Timor-Leste ninia  ba Asosiasaun hosi Nasaun sira iha Sudeste Aziátika (ASEAN, sigla inglés)

“Ida ne’e programa governu, ami tenke halo tuir no implementa tanba atu adere ba ASEAN esforsu ida ne’ebé ita hatama ona aplikasaun kuaze tinan 10, ita tenke halo esforsu nafatin”, dehan Ministra Adaljiza ba TATOLI iha Palásiu Governu, ohin.

Governante ne’e hateten sei kontinua implementa servisu sira ne’ebé maka antes eis Ministru, Dionísio Babó da Costa Soares, hodi halo di’ak liután.

“Ha’u sei kumpre no halo de’it servisu ne’ebé iha ona, hatutan de’it saida mak iha ona”, tenik Governante.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here