Diretór Ezekutivu Ospitál Nasionál Guido Valadares (HNGV-sigla portugés, Aniceto Barreto.Imajen/ Felicidade Ximenes.

DILI, 29 juñu 2020 (TATOLI)-Diretór Ezekutivu Ospitál Nasionál Guido Valadares (HNGV-sigla portugés, Aniceto Barreto, hateten HNGV atinje ona progresu lubuk ida durante ejisténsia iha  tinan sanulu-resin-hitu liubá hodi atende pasiente sira..

Ezekutivu HNGV informa kestaun ne’e, segunda ne’e bainhira selebra aniversáriu HNGV ba dala XVII ho tema Kbi’it no fiar ne’ebé mak fó mai Ami Profisionál Saúde prontu serbí ho domin no kualidade.

”To’o ohin loron dezafiu no susesu ita hasoru hotu laiha ida mak midar no laiha ida mak di’ak maibé buat sira ne’e ita enfrenta hotu dezafiu ne’e iha buat barak maibé tenke iha esperansa katak ba oin ne’e iha mudansa ne’ebé mak diak,” dehan, Aniceto ba jornalista sira iha HNGV.

Iha tinan 17 liubá Cruz Vermella Timor-Leste entrega HNGV ba responsabilidade Timoroan hodi jere to’o ohin loron maski enfrenta dezafiu no iha ona susesu balun ba dezenvolvimentu instituisaun no atendimentu ba pasiente sira.

Nia esplika Ospitál Nasionál hetan ona susesu balun tanba estabelese ona sala fase raan ba pasiente, diresaun kardiaku ka kurasaun, estabelese ona sala operasaun no no seluk tan.

Maibé sei hasoru mós dezafiu hanesan kondisaun infraestrutura báziku tanba laiha espasu sufisiente, kondisaun uma hahú lahuk atu halo atendementu ba pasiente, rekursu umanu no seluk tan.

”Ita-nia liafuan ne’ebé mak durante Profisionál Saúde uza mak pasiénsia serbí no domin maibé save importante mak dahuluk ita-nia forsa no kbi’it ne’ebé maihusi ita idaidak nia matenek ne’ebé mak iha entaun forsa mak maihusi fasilidade ne’ebé mak iha ka hanesan presta servisu ne’ebé ita fó ho domin,”tenik Aniceto.

Entretantu, Vise Ministru Saúde, Bonifácio Maucoli dos Reis, hamutuk ho doadór, Ajénsia Internasionál, ho profisionál saúde sira maka segunda ne’e komemora aniversáriu HNGV ba da ualu ne,e.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here