Ministru Ensinu Superiór, Siénsia no Kultura, Longuinhos dos Santos. Imajen/TATOLI Egas Cristovao

DILI, 29 juñu 2020 (TATOLI)-Governu liuhosi Ministru Ensinu Superiór Siénsia no Kultura (MESSK), Longuinhos dos Santos, hateten iha tempu badak sei bolu Konsellu Reitór Universidade Nasionál Timor Lorosa’e (UNTL) hodi ko’alia kona-ba kestaun aplikasaun propinas ba estudante sira.

“Ha’u simu ona karta husi Magnífiku Reitór UNTL nian no ha’u mós simu petisaun husi estudante sira, ha’u hatene ona,”dehan Governante ba TATOLI, iha Palacio do Governo Dili.

Aleinde UNTL, Ministru ne’e hatutan sei konvida mós Reitór Universidade no Instituisaun Ensinu Superiór privada seluk hodi ko’alia mós asuntu aplikasaun propinas ba estudante sira durante implementasaun Estadu Emerjénsia.

Atu realiza sorumutu ne’e mak MESSK distribui ona karta konvite ba Reitór Universidade sira foinlalais.

“Ha’u haruka ona karta ba magífiku Reitór sira atu hasoru malu hodi halo diskusaun tan ne’e tempu badak ita sei realiza,”tenik tan.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here