Ministra Saude foun, Odete Maria Freitas Belo. Imajen/Palasiu Sinzas, Ministeriu Saude

DILI, 25 juñu 2020 (TATOLI)-Ministra Saúde, Odete Maria Freitas Belo, hateten sei kontinua estende kontratu ba pesoál saúde sira ne’ebé maka servisu ona durante implementasaun Estadu Emerjénsia relasiona ho moras COVID-19.

Governu kontinua hanaruk kontratu ba profisionál saúde hirak ne’e tanba kazu coronavirus iha mundu seidauk ramata.

”Estadu emerjénsia datoluk ne’e hotu mós ita kontinua fó kontratu nafatin ba pesoál saúde ne’ebé mak durante ne’e hala’o servisu ita la bele hapara sira se ita hapara mak kazu ne’e mosu karik oinsá no se mak atu tau matan fali ba kazu sira ne’e entaun ita mantein nafatin kontratu ba pesoál saúde sira,”dehan Governante, ba TATOLI iha Palacio do Governo Dili, kinta ne’e.

Maibé Ministra Saúde ne’e la esplika detaillu númeru pesoál saúde hira maka Ministériu Saúde kontrata ona hahú implementasaun Estadu Emerjénsia dahuluk to’o datoluk nian.

Jornalista : Felicidade Ximenes

Editór       : Agapito dos Santos

1 KOMENTÁRIU

HAKEREK NO HATÁN

Please enter your comment!
Please enter your name here