Jestór Klínika Bairru-Pité, Inácio dos Santos. Imajen: Felicidade Ximenes

DILI, 25 juñu (TATOLI)-Jestór Klínika Bairru-Pité, Inácio dos Santos, relata tuir relatóriu husi fulan abríl to’o meadu juñu ne’e rejista pasiente ho moras Tubercoluse ka TBC pozitivu hamutuk na’in 20.

”Iha fulan-abríl nia laran ami halo deteksaun ba moras tubercoluse liuhosi teste kabeen tasak pozitivu hamutuk na’in ualu no iha maiu na’in 10, juñu na’in rua hamutuk 20,”dehan Inácio ba Jornalista sira iha ninia servisu fatin, kinta ohin.

Pasiente na’in 19 maka baixa iha Fundasaun Ismaik Tibar. Totál pasiente TBC hahú husi tinan 2019 to’o agora hamutuk ema na’in 400-resin mak halo tratamentu rutina kada semana.

Jestór Klínika Bairru-Pité ne’e apela ba pasiente TBC sira ne’ebé maka la ativu ona hodi halo tratamentu rutina durante Implementasaun Estadu Emerjénsia atu halo filafali konsulta hodi simu ai-moruk TBC.

”Sira ne’ebé mak pozitivu TBC ami halo izolamentu iha Tibar hodi hemu ai-moruk durante fulan-rua nia laran bainhira di’ak mak ami haruka fila tanba moras ne’e posibilidade da’et llais ba ema seluk,” Nia esplika.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here