Komunidade sira tuur hein helaatu simu subsidiu $200 hosi Governu. Imajen/Antonio Goncalves

DILI, 25 juñu 2020 (TATOLI)–Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto, atualiza pagamentu subsídiu $200 provizóriu ba família uma-kain iha loron 24 junu 2020 nian, katak hosi totál uma-kain 298.495 ne’e ema hamutuk 11.289 mak rejistu iha lista reklasmasaun nian.

Notísia Relevante: Ezekusaun Prosesu Pagamentu Subsídiu $200 Atinje Ona 94%

“Durante loron 15 nia-laran ita-nia ekipa rejistu reklamasaun hamutuk 11.289 totál ne’ebé kompostu hosi munisípiu 12 mak hamutuk 11.289,” dehan Diretór Jerál MSSI, Rui Manuel Gago Exposto, ba jornalista sira liuhosi konferénsia imprensa iha salaun MSSI, Caicoli, Dili, kinta ne’e.

Aleinde ne’e, nia dehan, durante ne’e ekipa pagamentu hosi MSSI deskobre ka simu feto hanesan reprezenta iha nia laen no sai hanesan xefe família, hodi simu subsídiu $200 hosi Governu hamutuk 19%.

“Benefisiáriu bazeia ba jéneru ne’ebé mak simu ona pagamentu husi loron dahuluk to’o agora feto 19%, mane 80,99% no seluk 0,01%,” nia dehan. 

Iha biban hanesan, Diretór Jerál ne’e atualiza katak hosi ekipa pagamentu MSSI halo ona pagamentu iha  munisípiu 12 iha Timor-Leste ho nia totál uma-kain ne’ebé simu ona pagamentu 273.147 ho totál osan ne’ebé selu ona $54.629.400.

Diretór Jerál ne’e relata, iha Munisípiu Aileu, totál uma-kain ne’ebé simu ona pagamentu 12.398, totál osan ne’ebé selu ona $2.479.600 no totál naran iha lista benefisiáriu 12.958.

Iha Munisípiu Ainaro, totál uma-kain ne’ebé simu ona pagamentu 14.964, totál osan ne’ebé selu ona $2.992.800 no totál naran iha lista benefisiáriu 17.245.

Iha Munisípiu Baucau, totál uma-kain ne’ebé simu ona pagamentu 32.522, totál osan ne’ebé selu ona $6.504.400 no totál naran iha lista benefisiáriu 34.151.

Iha Munisípiu Bobonaro, totál uma-kain ne’ebé simu ona pagamentu 26.320, totál osan ne’ebé selu ona $5.264.000 no totál naran iha lista benefisiáriu 28.342.

Iha Munisípiu Covalima, totál uma-kain ne’ebé simu ona pagamentu 17.680, totál osan ne’ebé selu ona $3.536.000 no totál naran iha lista benefisiáriu 18.262.

Iha Munisípiu Dili, totál uma-kain ne’ebé simu ona pagamentu 53.527, totál osan ne’ebé selu ona $10.705.400 no totál naran iha lista benefisiáriu 64.913.

Iha Munisípiu Ermera, totál uma-kain ne’ebé simu ona pagamentu 30.943, totál osan ne’ebé selu ona $6.188.600 no totál naran iha lista benefisiáriu 32.585.

Iha Munisípiu Lautém, totál uma-kain ne’ebé simu ona pagamentu 17.076, totál osan ne’ebé selu ona $3.415.200 no totál naran iha lista benefisiáriu 18.474.

Iha Munisípiu Liquiçá, totál uma-kain ne’ebé simu ona pagamentu hamutuk 19.315, totál osan ne’ebé selu ona $3.863.000 no totál naran iha lista benefisiáriu 20.357.

Iha Munisípiu Manatuto, totál uma-kain ne’ebé simu ona pagamentu 13.069, totál osan ne’ebé selu ona $2.613.800 no totál naran iha lista benefisiáriu hamutuk 13.938.

Iha Munisípiu Manufahi, totál uma-kain ne’ebé simu ona pagamentu 14.237, totál osan ne’ebé selu ona hamutuk $2.847.400 no totál naran iha lista benefisiáriu 15.008.

Iha Munisípiu Viqueque, totál uma-kain ne’ebé simu ona pagamentu 21.096, totál osan ne’ebé selu ona hamutuk $4.219.200 no totál naran iha lista benefisiáriu 22.262.

Jornlista : Osória Marques

Editór    :  Cancio Ximenes

HAKEREK NO HATÁN

Please enter your comment!
Please enter your name here