Embaixador Malázia, Sarimah Akbar. Imajen/Egas Cristovão

DILI, 23 juñu 2020 (TATOLI)-Embaixadóra Malázia ba Timor-Leste, Sharima Akbar, hateten sira-nia Governu nafatin iha kompromisu polítika atu apoiu prosesu dezenvolvimentu Timor-Leste iha área capacity building.

Nia dehan asuntu ne’e ba jornalista-sira hafoin hasoru-malu ho Primeiru-Ministru, Taur Matan Ruak, iha Palacio do Governo Dili, tersa ne’e.

“Malázia promete nafatin servisu hamutuk ho Timor-Leste hodi hametin kooperasaun ne’ebé di’ak liliu iha área capacity building nune’e bele aselera dezenvolvimentu ne’ebé dadauk la’o hela,” dehan nia.

Durante diskusaun ne’e, Diplomata Malázia ne’e rona mós esplikasaun husi Xefe Governu, Taur Matan Ruak, kona-ba dinámika polítika ne’ebé akontese iha rai-laran liuliu mudansa ba estrutura Governu no Parlamentu Nasionál.

“Ita haree Timor-Leste diferente tebes ho nasaun sira seluk, situasaun polítika la’o diferente maibé situasaun estabilidade la’o di’ak hela ida-ne’e demokrasia ne’ebé boot tebes,” katak nia.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here