Embaixadór Portugal, José Pedro Machado Viera

DILI, 22 juñu 2020 (TATOLI)-Embaixadór Portugal iha Timor-Leste, José Pedro Vieira Machado, hateten Portugal sei kontinua fó prioridade ba área importante tolu hodi tulun Timor-Leste hodi aselera ninia dezenvolvimentu.

Portugal ho Timor-Leste asina ona área prioridade tolu iha tinan kotuk hanesan konsolidasaun Estadu Diretu, Governasaun Diak no Edukasaun no Kultura no seluk tan.

“Área bo’ot tolu mak hanesan, konsolidasaun estadu direitu ka boa governasaun, edukasaun no kultura no mós dezenvolvimentu ekonomia, area tolu ne’e mak importante ba Portugal hodi apoiu Timor-Leste,”dehan nia ba Jornalista  sira hafoin hasoru malu ho Primeiru-Ministru, Taur Matan Ruak, iha Palacio do Governo, ohin.

Nia konsidera área tolu ne’e importante atu dezenvolve ho seriu ba futuru.”Iha projetu kooperasaun área tolu maibé área ne’ebé importante liu mak edukasaun,”nia hateten.

Iha sorumutu ne’e parte rua ko’alia mós kona-ba situasaun polítika iha rai-laran liliu mudansa estrutura Governu no Parlamentu Nasionál.

“Ami mós ko’alia kona-ba polítika ne’ebé la’o hela iha Timor-Leste kona-ba membru Governu ne’ebé seidauk kompletu, maibé fiar katak ba oin lider sira sei tuur hamutuk buat hotu sei la’o ho di’ak,” katak nia.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here