Aviaun militár Korea do Sul nian. Imajen/Nelia Borges

DILI, 22 juñu 2020 (TATOLI)-Primeiru-Ministru, Taur Matan Ruak, segunda ne’e halo ona diskusaun ho Embaixadór Korea Súl iha Timor-Leste, Lee Chin-Bum, atu aluga aviaun hodi tula traballadór Timoroan ne’ebé maka oras ne’e vistu mate ona iha Korea Súl hodi fila ona mai Timor-Leste.

“Ami diskute maka’as mak kona-ba traballadór sira ne’ebé vistu mate ona iha hela Korea atu fila mai Timor labele no sira ne’ebé iha kontratu ona atu ba Korea mós labele ho nune’e Primeiru-Ministru hatete Governu  sei aluga aviaun husi Korea atu tula fila traballadór hirak ne’e mai no sira ne’ebé atu ba fali servisu iha Korea bele aproveita sae tuir kedan,”informa Lee Chin-Bum ba jornalista sira iha Palacio do Governo Dili.

Taur Matan Ruak ho Diplomata husi Korea ne’e seidauk iha konkordansia ida tanba husi parte Timor-Leste nian sei konsulta asuntu ne’e ho Ministériu Negósiu Estranjeiru no Kooperasaun (MNEK).

Timoroan hamutuk ema na’in 50 maka vistu mate ona no na’in 2.500-resin sira-nia vistu sei moris hodi kontinua servisu hela iha Korea Súl iha área Fábrik no Peska.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here