Embaixadora Estadu Unidu Amérika (EUA) ba Timor-Leste, Kathleen M. Fitzpatrick. Imajen António Goncalves

DILI, 22 juñu 2020 (TATOLI)-Embaixadóra Estadus Unidus Amérika iha Timor-Leste,Kathleen M. Fitzpatrick, segunda ohin informa sira-nia apoiu orsamentu no ekipamentu prevensaun COVID-19 ba Primeiru-Ministru, Taur Matan Ruak, iha Palacio do Governo Dili.

“Onra bo’ot ida hasoru Primeiru-Ministru, Taur Matan Ruak hodi ko’alia kona-ba situasaun ekonómiku prioridade sira estimulasaun ekonómiku iha Timor-Leste no ha’u esplika mós ba Primeiru-Ministru kona-ba apoiu Estadus Unidus nian ba COVID-19 liuhusi kontribuisaun osan $ millaun 1.6, ” informa nia ba jornalista sira hafoin hasoru malu ho Xefe Governu, segunda ne’e.

Durante ne’e, EUA monta ekipamentu fase liman iha dalan públiku sira, fahe ona máskara ba labarik estudante sira no apoiu médikamentu.

“Ami mós fó osan rihun $ 500 ba UNICEF atu tulun no fó projetu ba Sentru Saúde,” katak, Nia.

Relasaun Timor-Leste ho EUA kontinua metin, tanba ne’e Kathleen, promete sei kontinua fó tulun ba dezenvolvimentu nasaun nian.

“Timor-Leste ho Estadus Unidus hanesan nasaun ida ne’ebé amigu di’ak, husi Timor-Leste independensia ami sempre fó tulun, ba oin ami kompromete sei apoiu nafatin hodi hala’o dezenvolvimentu,”nia promete.

Jornalista  : Hortencio Sanchez

Editor         : Agapito dos Santos

HAKEREK NO HATÁN

Please enter your comment!
Please enter your name here