Komunidade sira iha Sede Suku Bairo Pite kontinua antri hodi simu subsidiu 200 dolar husi Governu.Imajen/Antonio Goncalves

DILI, 21 juñu 2020 (TATOLI)–Diretór Jerál Ministériu Solidaridade Sosiál no Inkluzaun (MSSI), Rui Manuel Gago Exposto, hateten prosesu pagamentu subsídiu $200 iha munisípiu 11 kuaze finaliza ona no hein de’it atu konklui relatóriu.

Notísia Relevante: Feto 19% Reprezenta Xefe Família Simu Subsídiu $200

Rui Exposto hatutan, prosesu pagamentu iha Munisípiu 11 kuaze hotu ona, hein de’it ona relatóriu hosi Munisípiu nian no nivél Nasionál atinje ona 87%. Signifika, nia dehan, Munisípiu Dili mak seidauk bele finaliza tanba suku lima mak pagamentu sei demora. 

“Prosesu pagamentu subsídiu $200 iha Munisípiu 11 kuaze hotu ona, hein de’it ona relatóriu hosi Munisípiu nian no nivél Nasionál atinje ona 87%. Ne’e signifika Munisípiu Dili mak seidauk bele finaliza tanba suku lima (5) hanesan Comoro, Fatuhada, Bairo-Pite, Manleuana no Becora mak pagamentu demora,” dehan Diretór Jerál MSSI, Rui Manuel Gago Exposto, ba jornalista sira liuhosi konferénsia imprensa iha salaun MSSI Caicoli, Dili, domingu ne’e.

Nia hatutan, MSS atualiza prosesu pagamentu subsídiu $200 ba loron horisehik (20/06/2020), ekipa pagamentu MSSI halo  ona pagamentu iha Munisípiu 12 iha Timor-Leste ho nia totál uma-kain ne’ebé simu ona pagamentu hamutuk 261.831.

Hosi Munisípiu 12 iha Timor-Leste, tuir nia, totál osan ne’ebé ekipa pagamentu selu ona mak hamutuk $52.366.200, naran iha lista benefisiáriu hosi Munisípiu 12 la inklui Oé-cusse hamutuk 298.495 ho totál montante orsamentu aprovadu ba Munisípiu 12 la inklui Oé-Cusse mak $59.699.000. 

Nia informa, iha Munisípiu Aileu, totál uma-kain ne’ebé simu ona pagamentu hamutuk 12.056, totál osan ne’ebé selu ona hamutuk  $2.411.200 no totál naran iha lista benefisiáriu hamutuk 12.958.

Iha Munisípiu Ainaro, totál uma-kain ne’ebé simu ona pagamentu hamutuk 12.669,  totál osan ne’ebé selu ona hamutuk $2.533.800 no totál naran iha lista benefisiáriu hamutuk 17.245.

Iha Munisípiu Baucau, totál uma-kain ne’ebé simu ona pagamentu
hamutuk 32.508, totál osan ne’ebe selu ona hamutuk $6.501.600 no totál naran iha lista benefisiáriu hamutuk34.151.

Iha Munisípiu Bobonaro, totál uma-kain ne’ebé simu ona pagamentu hamutuk 25.803,totál osan ne’ebé selu ona hamutuk $5.160.600 no totál naran iha lista benefisiáriu hamutuk 28.342.

Iha Munisípiu Covalima, totál uma-kain ne’ebé simu ona pagamentu hamutuk 17.680, totál osan ne’ebé selu ona hamutuk  $3.536.000 no totál naran iha lista benefisiáriu hamutuk 18.262.

Iha Munisípiu Dili, totál uma-kain ne’ebé simu ona pagamentu hamutuk 46.066, totál osan ne’ebé selu ona hamutuk $9.213.200 no totál naran iha lista benefisiáriu hamutuk 64.913.

Iha Munisípiu Ermera, totál uma-kain ne’ebé simu ona pagamentu hamutuk 30.893,  totál osan ne’ebé selu ona hamutuk $6.178.600 no totál naran iha lista benefisiáriu hamutuk 32.585.

Iha Munisipiu Lautém, totál uma-kain ne’ebé simu ona pagamentu hamutuk 16.579, totál osan ne’ebé selu ona hamutuk $3.315.800 no totál naran iha lista benefisiáriu hamutuk 18.474.

Iha Munisípiu Liquiça ne’ebé simu ona pagamentu hamutuk 19.315, totál osan ne’ebé selu ona hamutuk $3.863.000 no totál naran iha lista benefisiáriu hamutuk 20.357.

Iha Munisípiu Manatuto, totál uma-kain ne’ebé simu ona pagamentu hamutuk 13.066, totál osan ne’ebé selu ona hamutuk $2.613.200 no totál naran iha lista benefisiáriu hamutuk 13.938.

Iha Munisípiu Manufahi, totál uma-kain ne’ebé simu ona pagamentu hamutuk 14.237, totál osan ne’ebé selu ona hamutuk $2.847.400, no totál naran iha lista benefisiáriu hamutuk 15.008.

Iha Munisípiu Viqueque, totál uma-kain ne’ebé simu ona pagamentu hamutuk 20.959, totál osan ne’ebé selu ona hamutuk $4.191.800 no totál naran iha lista benefisiariu hamutuk 22.262.

Nia relata, totál reklamasaun ne’ebé tama to horisehik kompostu hosi Munisípiu 12 hamutuk 10.203.

Jornalista : Osória Marques

Editór     : Cancio Ximenes

HAKEREK NO HATÁN

Please enter your comment!
Please enter your name here