DILI, 20 juñu 2020 (TATOLI)–Primeiru-Ministru (PM), Taur Matan Ruak, hato’o ksolok aniversáriu ba  eis-Líder Rezisténsia, Kay Rala Xanana Gusmão ne’ebé ohin halo tinan ba dala 74 (20 juñu 1946 – 20 juñu 2020).

“Dezeju saúde di’ak no vida naruk nafatin hodi hamutuk serbí ita-nia rai doben Timor-Leste tanba sei iha misaun boot ne’ebé ita presiza atu konkista, mak moris di’ak ba ita-nia povu no atu konkista ida-ne’e, presiza ita-nia hamutuk, independentemente iha diferensia hanoin no vizaun,” PM Taur hato’o mensajen ne’e liuhosi nota ofisiál hosi Gabinete Primeiru-Ministru ne’ebé Agência Tatoli asesu, sábadu ne’e.

Xefe Governu ne’e mós dezeja saúde, vida naruk no felisidade ba líder karizmátiku refere.

“Dook iha matan, besik iha fuan! Hosi alin amadu, Taur Matan Ruak,” nota ne’e relata tan.

José Alexandre Kay Rala Xanana Gusmão moris iha Postu Administrativu Laleia, Munisípiu Manatuto, 20 juñu 1946.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here