Representante UNICEF iha Timor Leste, Sesta 19 Juinu 2020 entrega Fasilidade ekipamentu ba Jestor iha Merkadu Manleuana hodi komunidade sira uja prevene COVID 19.Imajen/Antonio Goncalves

DILI, 19 juñu 2020 (TATOLI)–Diretór Jerál Diresaun Jerál Água no Saneamentu (DGAS, sigla portugés), Gustavo da Cruz hateten, ohin, apoiu ne’ebé Uniaun Europeia (UE) no UNICEF oferese ba vendedór sira iha Merkadu Manleuna ida-ne’e la’os ba apoiu ikus nian maibé futuru sei apoiu nafatin.

“Apoiu ne’ebé ohin UE no UNICEF fó ba ita, la’os to’o iha ne’e de’it maibé ba oin sei ajuda nafatin. Durante ne’e apoiu barak ne’ebé sira halo ona no akompaña katak territóriu Timor-Leste tomak iha instalasaun tanke bee-moos no hosi tanke sira ninia besi solda ne’e (rankaian) ita hetan apoiu hosi Programa Dezenvolvimentu Nasaun Unida (UNDP, sigla inglés),” dehan Gustavo da Cruz ba jornalista sira hafoin halo lansamentu instalasaun tanke bee-moos iha Merekadu Manleuna, Diii, sesta ne’e.

Tanba ne’e, nia apela ba Jestór Merkadu Maleuana, vendedór no kompradór sira hotu katak kuidadu tanke bee-moos ne’e ho di’ak no labele uza bee tanke ne’ebé sira monta hodi hemu ka fase modo tanba bee iha tanke laran ne’e natoon ba fase liman nian de’it.

Aleinde ida ne’e, nia dehan, iha tempu badak sira sei halo rehabilitasaun ba toilet-feto no mane nian iha Merkadu Manleuana ne’ebé durante ne’e aat ka la utiliza. 

“Iha momentu ida-ne’e mós ha’u hakarak informa ba Jestór Merkadu Manleuna katak ita ohin ne’e mai identifika de’it katak saida-saida mak estragus iha ne’e pois mak kompaña ida hamoos no survei maka foin halo rehabilitasaun,” nia dehan. 

Ho ida ne’e, lori Governu Timor-Leste nia naran hato’o agradese ba Uniaun Eurpeia (UE), ne’ebé fó ona apoiu ba UNICEF ne’ebé ohin lansa ka oferese tanki bee-moos lima(5) ba negosiante Merkadu Manleuan atu oinsá halo prevensaun ba COVID-19.

Diretor Jeral SAS Gustavo da Cruz Imajen/Hortencio Sances

Nia hatutan, apoiu ne’ebé parseiru sira fó ba Governu Timor-Leste tanba iha kooperasaun di’ak no objetivu oinsá atu bele hamutuk hodi kombate ka halo pervensaun ba COVID-19 no mós moras Saúde Públiku sira seluk ne’ebé akontese iha rai ida-ne’e.

“Tanba ne’e ha’u lori Governu Timor-Leste nia naran hato’o agradese ba UE ne’ebé durante ne’e hahú hosi Timor-Leste hetan moras COVID-19, hosi ne’e kedas ita halo kooperasaun di’ak ho parseiru sira hotu liu-liu UNICEF,” Diretór Jerál DGAS ne hateten.

Iha lansamentu estabelese tanke bee-moos ba vendedór sira iha Merkadu Manleuna ne’e, partisipa hosi reprezentante UE, UNICEF, DGAS, Ministériu Saúde, Administrsaun Munisípiu Dili, no hamutuk ho Jestór Merakdu no vendedór sira iha Merkadu Manleuana.

Jornalista : Osória Maques

Editór       :  Cancio Ximenes

HAKEREK NO HATÁN

Please enter your comment!
Please enter your name here