Komunidade sira kontinua antri iha Sede Suku 30 Agostu Komoro, Tersa 16 Juinu 2020 hodi hein simu subsidiu 200 dolar husi Governu relasiona ho Estadu Emerjensi durante fulan rua tanba VOVID 19. Imajen/Antonio Goncalves

DILI, 19 juñu 2020 (TATOLI)–Diretór Jerál MSSI, Rui Manuel Gago Exposto, hateten prosesu pagamentu munisípiu 12 kuaze finaliza hotu ona tanba prosesu pagamentu atinje ona ba 82%.

Notísia Relevante: Loron Dasia, Governu Fó Ona Osan $46.327.200 ba Uma-Kain 231.636

Rui Exposto hatutan, munisípiu hirak ne’ebé mak fializa ona nia pagamentu mak Munisípiu Covalima, Aileu, Manufahi, Baucau, Bobonaro, Liquiça no Manatuto, no munisípiu balun mak seidauk ramata.

“Ita-nia Munisípiu Lautem hela Postu Administrativu Fuiloro mak seidauk, Munisípiu Viqueque hela Osso no Viqueque vila no Munisípiu Ermera hela suku ida de’it. Maibé Munisípiu Dili foin mak ezekuta 61%,” dehan Diretór Jerál MSSI, Rui Manuel Gago Exposto, ba jornalista sira iha salaun MSSI, Caicoli, Dili, sesta ne’e.

Tanba ne’e, ohin, nia hakarak atualiza progressu prosesu pagamentu subsídiu $200 ba loron dala sanulu (10) nian, hahú loron 09-18/06/2020, ekipa pagamentu MSSI halo ona pagamentu iha munisípiu12 iha Timor-Leste hamutuk uma-kain 244.971.

“Totál uma-kain ne’ebé simu ona pagamentu hamutuk 244.971 no totál osan ne’ebé selu ona mak $48.994.200 hosi Totál montante orsamentu aprovadu hosi Governu ba munisípiu12 la inklui Oecusse hamutuk $59. 699.000. Naran iha lista benefisiáriu hosi Munisípiu12 la inklui Oé-Ccusse hamutuk uma-kain 298.495”, nia hatete.

Nia haktuir, iha Munisípiu Aileu, totál uma-kain ne’ebé simu ona pagamentu hamutuk 12.056, totál osan ne’ebé selu ona hamutuk $2.411.200 no totál naran iha lista benefisiáriu hamutuk uma-kain 12.958.

Iha Munisípiu Ainaro, totál uma-kain ne’ebé simu ona pagamentu hamutuk 11.523, totál osan ne’ebé selu ona hamutuk $2.304.600 no totál naran iha lista benefisiáriu hamutuk 17.245.

Iha Munisípiu Baucau, totál uma-kain ne’ebé simu ona pagamentu hamutuk 32.097, totál osan ne’ebé selu ona hamutuk $6.419.400 no totál naran iha lista benefisiáriu hamutuk 34.151.

Iha Munisípiu Bobonaro, totál uma-kain ne’ebé simu ona pagamentu hamutuk 25.730, totál osan ne’ebé selu ona $5.146.000 no totál naran iha lista benefisiáriu hamutuk 28.342.

Iha Munisípiu Covalima, totál uma-kain ne’ebé simu ona pagamentu hamutuk 17.254, totál osan ne’ebé selu ona $3.450.800 no totál naran iha lista benefisiáriu hamutuk 18.262.

Iha Munisípiu Dili, totál uma-kain ne’ebé simu ona pagamentu hamutuk 40.028, totál osan ne’ebé selu ona hamutuk $8.005.600 no totál naran iha lista benefisiáriu hamutuk 64.913.

Iha Munisípiu Ermera, totál uma-kain ne’ebé simu ona pagamentu hamutuk 24.920, totál osan ne’ebé selu ona hamutuk $4.984.000 no totál naran iha lista benefisiáriu hamutuk 32.585.

Iha Munisípiu Lautém, totál uma-kain ne’ebé simu ona pagamentu hamutuk 15.134, totál osan ne’ebé selu ona hamutuk $3.026.800 no totál naran iha lista benefisiáriu hamutuk 18.474.

Iha Munisípiu Liquiçá, totál uma-kain ne’ebé simu ona pagamentu hamutuk 19.308, totál osan ne’ebé selu ona hamutuk $3.861.600 no totál naran iha lista benefisiáriu hamutuk 20.357.

Iha Munisípiu Manatuto, totál uma-kain ne’ebé simu ona pagamentu hamutu 13.066, totál osan ne’ebé selu ona hamutuk $2.613.200 no otál naran iha lista benefisiáriu hamutuk 13.938.

Iha Munisípiu Manufahi, totál uma-kain ne’ebé simu ona pagamentu hamutuk 14.233, totál osan ne’ebé selu ona hamutuk $2.846.600 no totál naran iha lista benefisiáriu hamutuk 15.008.

Iha Munisípiu Viqueque, totál uma-kain ne’ebé simu ona pagamentu hamutuk 19.622, totál osan ne’ebé selu ona hamutuk $3.924.400 no totál naran iha lista benefisiáriu hamutuk 22.262.

Hosi dadus hira ne’e, nia informa, totál reklamasaun ne’ebé tama to’o horiseik (18/06/2020) kompostu hosi munisípiu 12 hamutuk 9.472 reklamante.

Jornalista : Osória Maques

Editor       : Cancio Ximenes

HAKEREK NO HATÁN

Please enter your comment!
Please enter your name here