Komunidade sira iha Sede Suku Bairo Pite tuur tutuir malu hodi implementa distansia sosial atu simu subsidiu $200 hosi Governu. Imajen/Antonio Goncalves.

DILI, 17 juñu 2020 (TATOLI)–Pagamentu subsídiu $200 ba benefisiáriu sira iha munisípiu 12 la inklui Rejiaun Administrativa Espesiál Oé-Cusse Ambeno (RAEOA) ba loron daualu nian, ekipa pagamentu Ministériu Solidaridade Sosiál no Inkluzaun (MSSI) halo ona pagamentu ba uma-kain hamutuk 217.744 .

Notísia Relevante: Ekipa Pagamentu MSSI Rejistu Reklamasaun Hamutuk 6.580

Hosi uma-kirak ne’ebé simu ona subsídiu, nia hatutan, iha reklamente hamutuk ema na’in-7.435 mak hato’o reklamasaun ba ekipa pagamentu sira ne’ebé hala’o pagamentu iha munisípiu 12 la inklui RAEOA. 

“Totál osan ne’ebé ita selu ona hamutuk $43.548.800 ba uma-kain hamutuk 217.744 hosi lista benefisiáriu hosi munisípiu 12 la inklui RAEOA hamutuk uma-kain 298.495 ne’e. Horisehik to’o oras 22:00 kalan, ita simu informasaun kona-ba reklamasaun ba prosesu pagamentu subsídiu $200 nian hosi munisípiu 12 la inkui ho RAEOA hamutuk 7.437,” Diretór Jerál MSSI, Rui Manuel Gago Exposto, hateten ba jornalista sira iha salaun MSSI, Caicoli, Dili, kuarta ne’e.

Nia informa, prosesu pagamentu iha Munisípiu Aileu, ho totál uma-kain ne’ebé simu ona pagamentu hamutuk 12.061, totál osan ne’ebé selu ona hamutuk $2.412.200 no totál naran iha lista benefisiáriu hamutuk uma-kain 12.958.

Iha Munisípiu Ainaro, totál uma-kain ne’ebé simu ona pagamentu hamutuk 9.652 ho totál osan ne’ebé selu ona ba benefisiáriu sira hamutuk $1.930.400 no totál naran iha lista benefisiáriu hamutuk 17.245.

Iha Munisípiu Baucau, totál uma-kain ne’ebé simu ona pagamentu hamutuk 29.480, totál osan ne’ebé selu ona hamutuk $5.896.000 no totál naran iha lista benefisiáriu hamutuk uma-kain 34.151.

Iha Munisípiu Bobonaro, totál uma-kain ne’ebé simu ona pagamentu hamutuk 23.809, totál osan ne’ebé selu ona hamutuk $4.761.800 no totál naran iha lista benefisiáriu hamutuk uma-kain 28.342.

Iha Munisípiu Covalima, totál uma-kain ne’ebé simu ona pagamentu hamutuk 15.821, totál osan ne’ebé selu ona hamutuk $3.164.200 no totál naran iha lista benefisiáriu hamutuk 18.262.

Iha Munisípiu Dili, totál uma-kain ne’ebé simu ona pagamentu 32.563, totál osan ne’ebé selu ona hamutuk $6.512.600 no totál naran iha lista benefisiáriu hamutuk uma-kain 64.913.

Iha Munisípiu Ermera, totál uma-kain ne’ebé simu ona pagamentu 20.916. Totál osan ne’ebé selu ona mak $4.183.200. Totál naran iha lista benefisiáriu hamutuk 32.585.

Iha Munisípiu Lautém, totál uma-kain ne’ebé simu ona pagamentu 12.986, totál osan ne’ebé selu ona hamutuk $2.597.200 no totál naran iha lista benefisiáriu 18.474.

Iha Munisípiu Liquiçá, totál uma-kain ne’ebé simu ona pagamentu hamutuk 16.511, totál osan ne’ebé selu ona ba benefisiáriu sira hamutuk $3.302.200 no totál naran iha lista benefisiáriu 20.357.

Iha Munisípiu Manatuto, totál uma-kain ne’ebé simu ona pagamentu 12.005, totál osan ne’ebé selu ona hamutuk $2.401.000 no totál naran iha lista benefisiáriu hamutuk uma-kain 13.938.

Iha Munisípiu Manufahi, totál uma-kain ne’ebé simu ona pagamentu hamutuk 13.978, totál osan ne’ebé selu ona hamutuk $2.795.600 no totál naran iha lista benefisiáriu hamutuk 15.008.

Iha Munisípiu Viqueque, totál uma-kain ne’ebé simu ona pagamentu hamutuk 17.960, totál osan ne’ebé selu ona hamutuk $3.592.000 no totál naran iha lista benefisiáriu hamutuk uma-kain 22.262.

Iha biban ne’e, Direór Jerál MSSI hateten progressu pagamentu subsídiu to’o agora iha tuku 08:45 (17/06/2020) dadeer, ne’ebé mak MSSI akompaña ho totál benefisiáriu hamutuk uma-kain 220.359 ho totál orsamentu ne’ebé mak selu ona hamutuk $44.071.800.

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here