Komunidade sira iha Sede Suku Fatuhada bainhira forma hodi simu ona subsidu $200 ne'ebe Governu fo tanba implementasaun Estadu Emerjensia durante fulan rua relasiona ho COVID-19. Imajen/Antonio Goncalves

DILI, 15 juñu 2020 (TATOLI)–Diretór Jerál Ministériu Solidariedade Sosiál no Inkluzaun (MSSI), Rui Manuel Gago Exposto hateten, horisehik (14 juñu 2020), ekipa pagamentu halo ona pagamentu iha Munisípiu 12 totál uma-kain ne’ebe simu ona pagamentu hamutuk uma-kain 173.186 hosi dadus Nasionál ka naran iha lista benefisiáriu hamutuk uma-kain 298.495.

Notísia Relevante: Loron Dalimak, Ekipa Pagamentu Selu Ona Benefisiáriu Hamutuk 148.875

“Totál osan ne’ebé selu ona ba benefisiáriu hamutuk $34.637.200 iha Munisípiu 12 la inklui Oé-Cusse. Totál montante orsamentu aprovadu ba Munisípiu 12 la inklui Oé-Cusse hamutuk $59.699.000,” dehan Rui Manuel Gago Exposto ba jornalista sira iha salaun MSSI, Caicoli, Dili, segunda ne’e.

Nia informa, Munisípiu Aileu iha totál uma-kain ne’ebé simu ona pagamentu hamutuk 11.358, totál osan ne’ebé selu ona hamutuk $2.271.600 no totál naran iha lista benefisiáriu hamutuk uma-kain 12.958.

Iha Munisípiu Ainaro, totál uma-kain ne’ebé simu ona pagamentu hamutuk 8.097, totál osan ne’ebé selu ona hamutuk $1.619.400 no totál naran iha lista benefisiáriu hamutuk uma-kain 17.245.

Iha Munisípiu Baucau, totál uma-kain ne’ebé simu ona pagamentu hamutuk 23.972, totál osan ne’ebé selu ona hamutuk $4.794.400 no totál naran iha lista benefisiáriu hamutuk 34.151.

Iha Munisípiu Bobonaro, totál uma-kain ne’ebé simu ona pagamentu hamutuk 18.949, totál osan ne’ebé selu ona hamutuk $3.789.800 no total naran iha lista benefisiariu hamutuk 28.342.

Iha Munisípiu Covalima, totál uma-kain pagamentu hamutuk uma-kain 13.257, totál osan ne’ebé selu ona hamutuk $2.651.400 no totál naran iha lista benefisiáriu hamutuk 18.262.

Iha Munisípiu Dili, totál uma-kain ne’ebé simu ona pagamentu hamutuk uma-kain 25.170, totál osan ne’ebé selu ona hamutuk $5.034.000 no totál naran iha lista benefisiariu hamutuk uma-kain 64.913.

Iha Munisípiu Ermera, totál uma-kain ne’ebé simu ona pagamentu hamutuk uma-kain 15.324, totál osan ne’ebé selu ona hamutuk $3.064.800 no totál naran iha lista benefisiariu hamutuk uma-kain 32.585.

Iha Munisípiu Lautém, totál uma-kain ne’ebé simu ona pagamentu hamutuk uma-kain 10.571, totál osan ne’ebé selu ona hamutuk $2.114.200 no totál naran iha lista benefisiáriu hamutuk 18.474.

Iha Munisípiu Liquiça, totál uma-kain pagamentu hamutuk 12.157, totál osan ne’ebé selu ona hamutuk
$2.431.400 no totál naran iha lista benefisiáriu hamutuk uma-kain 20.357.

Iha Munisípiu Manatuto, totál uma-kain ne’ebe simu ona pagamentu hamutuk 8.663, totál osan ne’ebé selu ona hamutuk $1.732.600 no totál naran iha lista benefisiáriu hamutuk uma-kain 13.938.

Iha Munisípiu Manufahi, totál uma-kain ne’ebé simu ona pagamentu hamutuk 11.566, totál osan ne’ebe selu ona hamutuk $2.313.200 no totál naran iha lista benefisiáriu hamutuk uma-kain 15.008.

Iha Munisípiu Viqueque, totál uma-kain ne’ebé simu ona pagamentu hamutuk 14.102, totál osan ne’ebé selu ona hamutuk $2.820.400 no totál naran iha lista benefisiáriu hamutuk 22.262.

Diretór Jerál MSSI ne’e relata, totál reklamasaun ne’ebé tama horisehik kompostu hosi Munisípiu 12 hamutuk hamutuk ema na’in-5.180.

Jornalista : Osória Marques

Editór      : Cancio Ximenes

HAKEREK NO HATÁN

Please enter your comment!
Please enter your name here