Ministra Edukasaun, Dulce de Jesus Soares.

DILI, 09 juñu 2020 (TATOLI)-Ajénsia Internasionál UNICEF iha Timor-Leste, tersa ne’e asina ona nota intendimentu (MoU-sigla inglés) hodi fó apoiu osan millaun $ 3.500 ba Ministériu Edukasaun Juventude no Desportu hodi tulun eskola sir aba prevensaun COVID-19.

Fundu Aseleradu husi UNICEF hodi halo prevensaun ba coronavirus ne’e atu tulun fó formasaun ba profesór sira, sosa materiál prevensaun COVID-19 no seluk tan.

“Ministériu Edukasaun Juventude no Desportu ho UNICEF realiza ona asinatura ida hodi apoiu fundu aseleradu ba COVID-19 nian hodi tulun eskola sira iha Timor-Leste atu prepara an ho didiak molok governu deside re-ativa prosesu aprendijazen,” katak Ministra Dulce de Jesus Soares, hafoin estabelese MoU ne’e iha Salaun MEJD, Vila-Verde, ohin.

Dulce hatutan UNICEF intende tebes problema ne’ebé maka Governu enfrenta tanba ne’e sira fó resposta hodi fó tulun MEJD ho lalais.

Governu liuhosi MEJD sei uza apoiu ne’e hodi rezolve problema ne’ebé maka eskola sira hasoru liliu falta fasilidade prevensaun COVID-19 no seluk tan.

“Ita halo esforsu ida ne’e atu eskola hotu bele prepara an ho didiak, pelumenus observasaun konjunta husi Ministériu rua (MEJD ho MS) ne’e hala’o hotu ona mak deklara bele re-ativa prosesu ensinu aprendijazen, no eskola hotu bele la’o tuir ona padraun minimu ne’ebé iha ona,”garante Dulce.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here