Estudante Escola Secundária SMA 4 Balide. Imajen/TATOLI

DILI, 04 juñu 2020 (TATOLI)-Eskola Sekundáriu 4 Setembru UNAMET Dili daudaun ne’e prepara ona valór ezame trimestrál dahuluk nian ba estudante sira maski seidauk iha orientasaun husi Ministériu Edukasaun Juventude no Desportu (MEJD).

Diretór Eskola Ensinu Sekundáriu Jerál 4 Setembru , Sergio da Cruz, hateten rajaun sira prepara ona valór ba estudante sira ne’e tanba data ezame periodu dahuluk nian tuir kalendariu edukasaun realiza ona iha marsu liuba. 

Maibé adia to’o ohin loron tanba implementasaun estadu emerjénsia ne’ebé iha ligasaun ho kazu COVID-19 iha Timor-Leste.

“Ida ne’e polítika ami-nia ne’ebé ami prepara hela karik tempu ruma Ministériu Edukasaun presija ami bele aprezenta de’it ona,” esplika Dirijente Eskola Públiku ne’e ba TATOLI, iha ninia servisu fatin Balide, kinta ne’e.

Pontu lima importante maka sai sasukat ba profesór sira hodi fó valór ba estudante idaidak hanesan valór prova diaria, servisu uma, servisu grupu, valór prezensa no komportamentu estudante nian.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here