Imajen Tatoli/Egas Cristovão

DILI, 02 juñu 2020 (TATOLI)—Deputadu sira Bankada Maioria Parlamentár komposta hosi Frente Revolucionária de Timor-Leste Independente (FRETILIN), Partido Libertação Popular (PLP) no Kmanek Haburas Unidade Nacional Timor Oan (KHUNTO) destitui ona Maria Terezinha Viegas hosi kargu Seketária Meza Parlamentu Nasionál no Vise-Sekretária Isabel Maria Barreto Freitas Ximenes.

Deputada Maria Terezinha Viegas hosi bankada Congresso Nacional da Reconstrução de Timor (CNRT) no Deputada Isabel Maria Barreto Freitas Ximenes hosi bankada União Democrática Timorrense/Frente-Mudança (UDT-FM).

Prezidente Parlamentu Nasionál, Deputadu Aniceto Longuinhos Guterres Lopez, anunsia liuhosi plenária katak rekerimentu ba pedidu desituisaun aprovadu ona.

“Maria Terezinha Viegas no Isabel Maria Bareira respetivamente destuitida hosi sekretária meza no vise-sekretária,” Deputadu Aniceo Longuinhos Guterres Lopez, informa liuhosi plenária Parlamentu Nasionál, tersa ne’e.

Rezultadu eleisaun ba pedidu destituisaun a-favór 39 kontra 0 no abstensaun 3. Tanba ne’e kargu sekretária no vise-sekretária sei halo eleisaun foun.

Proponente rekerimentu ba destituisaun ne’e mak hanesan Deputadu Francisco Miranda Branda, Abel Pires da Silva, Deputada Regina Freitas, Deputada Maria Angelina Sarmento Lopes, Deputadu Fabião de Oliveira, Deputada Helena Martins Belo no Deputada Gabriela Alves.

Entretantu, deputadu sira bosi Bankada CNRT no UDT/FM auziénsia iha prosesu destituisaun ne’e.

Deputada hosi Bankada PD, Elvina Sousa no Deputadu hosi Bankada FRETILIN, Marito Mota, mak prezide prosesu kontajen ba rekerimentu desituisaun ne’e.

Entretantu, prosesu tuir-mai sei hala’o eleisaun foun ba Sekretáriu Meza Parlamentu Nasionál no Vise-Sekretária ba Meza Parlamentu Nasionál foun.

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here