Kondisaun eskola filiál Laga Sagadate; Onebuu-Selegua aat ba bebeik husi loron ba loron! Foto FB: Maubere Gusmão

DILI, 01 juñu 2020 (TATOLI)-Governu liuhosi Ministériu Edukasaun Juventude no Desportu (MEJD), tuir planu durante semana ida ne’e sei hahú distribui materiál konstrusaun ba eskola públiku hitu iha Munisípiu parte Leste hanesan Lautem, Baucau no Viqueque.

Diretór Nasionál Asaun Sosiál Eskolár, Joaquim Martins, informa inundasaun no udan boot ne’ebé akontese iha loron 21 to’o maiu 2020 konsege estraga Eskola Bázika Filiál Osouna Baguia, EBF Gamana Quelicai, EBF Audere Baguia, EBF Wadaboru Quelikai, EBF Afasa Quelikai, no Ensinu Báziku Sentrál Baguia, Munisípiu Baucau.

Distribuisaun materiál konstrusaun sei hahú uluk iha tersa aban (02/06/2020) bá eskola Báziku Filiál Ailafa no Ensinu Báziku Sentru Leusari Munisípiu Lautem.

“Eskola EBF Ailafa ne’e ita observa ona iha sala tolu mak hetan estragus hotu,”informa nia ba Jornalista sira iha ninia servisu fatin, Vila-Verde, segunda ne’e.

Maibé ba Munisípiu Baucau nian, tuir nia katak ekipa husi Ministériu Edukasaun ho diresaun infraestrutura sei halo uluk prosesu verifikasaun iha tersa semana ne’e hodi identifika loloos ninia gravidade estragus.

Ba Munisípiu Viqueque rasik, Joaquim relata liután EBF Lacluta mós presiza hetan apoiu materiál konstrusaun hodi halo reabilitasaun tanba kondisaun insfraestrutura grave liu ona.

Entretantu, Diresaun Nasionál Asaun Sosiál Eskolár sei halo distribuisaun materiál hanesan kalen tahan zinco, besik, simentu, pregu no seluk tan.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here