Atividade AIFAESA, akompaña husi PNTL halo destruisaun ba produtu apreensaun iha lixeiru Tibar. Imajen/António Gonçalves

DILI, 30 maiu 2020 (TATOLI) – Ekipa husi Autoridade Inspesaun Fizkalizaun Atividade Ekonomia no Sanitária, Institutu Públiku (AIFAESA,IP) halo destruisaun ba sasán apreensaun husi operadór ekonómika sira hahú tinan kotuk to’o abríl 2020.

Hafoin akompaña ekipa halo destruisaun, Diretór Operasaun AIFAESA, Gabriel da Costa, informa sasán ne’ebé halo destruisaun maka hanesan produtu estragadu no liu prazu hanesan dose no bebida hanesan Cocola, Sprite, inklui produtu seluk tan.

“Ohin AIFAESA halo destruisaun ba produtu alimentár liu prazu no sigaru ilísitu sira ne’ebé maka durante ami halo apreensaun husi tinan-2019 to’o abríl 2020. Sigaru ne’ebé maka halo destroisaun hamutuk masu 6.240 inklui produtu alimentár liu prazu hamutuk 7.823,” hateten Gabriel da Costa, iha lixeiru Tibar, sábadu ne’e.

Nia dehan, produtu sira ne’ebé maka deside halo destruisaun ne’e parte infratór sira selu ona nia koema ba AIFAESA.

“Produtu sira ne’ebé maka ohin ami deside halo destruisaun ne’e kuaze kompañia sira selu ona nia koema husi tinan kotuk to’o mai agora”, nia realsa.

Tuir Diretór ne’e, destruisaun ba produtu sira n’e tenke halo  tanba produtu hirak ne’e rai kleur ona iha edifísiu AIFAESA.

“La’ós de’it ba produtu sira ne’e, maibé ami halo ona apreensaun ba produtu barak antes ne’e, tanba laiha ona espasu maka ohin ami deside halo destruisaun ba produtu balun”, nia akresenta.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here