Embaixador Nova Zelandia , Philip Hewitt, entrega ekipamentu prvensaun COVID-19 ba Diretor Ezekutivu SAMES, Santana Martins, Imajen/ Felicidade Ximenes.

DILI, 25 maiu 2020 (TATOLI)-Governu Nova Zelándia liuhosi sira-nia Embaixadór iha Timor-Leste, Philip Hewitt, segunda ne’e, entrega tan ekipamentu prevensaun COVID-19 ba Ministériu Saúde ne’ebé simu diretamente husi Diretór Ezekutivu SAMES, Santana Martins iha Kampung-Alor Dili.

”Ekipamentus hirak ne’e mak hanesan maskra surjical hamutuk 140,000 maskra KN95 15,000 sanitijér 2,000 no mós ekipamentu seluk tan,” informa Philip Hewitt ba Jornalista sira iha Armazén SAMES Kampung-Alor, segunda (25/05/2020).

Diplomata Nova Zelándia ne’e relata liután maski ohin, entrega ona fasilidade balun maibé iha tempu badak sei kontinua oferese tan ekipamentu restu ne’ebe daudaun ne’e iha prosesu esportasaun mai Timor-Leste.

Governu Nova Zelándia sosa ekipamentu hirak ne’e ho osan hamutuk $ 300.000.

Iha fatin hanesan Diretór Ezekutivu Servisu Autónomu Medikamentu no Ekipamentus Saúde (SAMES), Santana Martins, konta tuir katak Governu Nova Zelándia apoiu ona ekipamentu prevensaun Coronavirus ba Ministériu Saúde ba datoluk.

“Ninia kuantidade ita seidauk simu lista ne’e ho loloos depois bainhira sasán ne’e simu kompletu ona mak ita foin hatene sasán sira nia kuantidade ne’e, tanba sira mós promote ona katak sira apoiu povu Timor-Leste liuhusi apoiu sira ne’ebé mak halo ona hahú husi tinan 1999 ba kotuk no mós to’o agora sira apoiu nafatin ita,”tenik tan.

Diretór Ezekutivu ne’e reprezenta Governu hodi agradese ba apoiu tomak ne’ebé maka segunda ne’e entrega husi Embaixadór Nova Zelándia ba Timor-Leste.

Jornalista : Felicidade Ximenes

Editór        : Agapito dos Santos

HAKEREK NO HATÁN

Please enter your comment!
Please enter your name here