Primeiru-Ministru, Taur Matan Ruak prezide reuniaun Konsellu Ministru estraordinária iha Palásiu Governu, segunda (25/05). Imajen Tatoli/Egas Cristovão

DILI, 25 maiu 2020 (TATOLI)-Governu liuhosi reuniaun Konsellu Ministru, segunda (25/05/2020) aprova tan planu estensaun estadu emerjénsia iha Timor-Leste, maibé la konsege deside planu re-ativa prosesu aprendijazen ba estudante sira.

Ministru Ensinu Superiór Siénsia no Kultura (MESSK), Longuinhos dos Santos, informa Governu sei diskute asuntu ne’e iha reuniaun Konsellu Ministru tuirmai.

“Ohin Governu halo tan estensaun ba Estadu Emerjénsia ho esesaun haree liu ba movimetasaun iha fronteira terrestre no kuarentena, agora atividade sira seluk inklui prosesu aprendijazen akadémiku nian sei diskute iha tempu tuirmai,”dehan Governante hafoin enkontru KM iha Palasiu Governu, ohin.

Iha posbilidade prosesu aprendijazen sei la estende tan, maibé tuir nia atu klaru liu Governnu sei deside iha loron hirak tuirmai, tanba ne’e husu ba públiku atu pasensia hodi hein desizaun.

Entertantu, data estensaun estadu emerjénsia periodu daruak nian sei ramata iha semana ida ne’e.

Jornalista : Tomé Amado

Editór        : Agapito dos Santos

HAKEREK NO HATÁN

Please enter your comment!
Please enter your name here