ise Ministru Saúde, Bonifácio Maucoli dos Reis. Imajen Tatoli/Antonio Goncalves.

DILI, 22 maiu 2020 (TATOLI)-Governu liuhosi Ministériu Saúde daudaun ne’e iha ona faze konkluzaun dokumentu ba Otél no Kompaña forñese hahán ba fatin kuarentena obrigatóriu ba prevensaun COVID-19.

Ministru Saúde en ezersísiu, Bonifácio Maucoli dos Reis, hateten depois ekipa tékniku konklui ona dokumentu hirak ne’e maka governu sei hahú halo pagamentu ba kompañia no otél hamutuk 50-resin iha tempu badak.

”Ohin ami asina no konklui hotu ona Otél no kompañia sira ne’ebé maka durante forñese hahán entaun ita hein halo pagamentu de’it ona,” dehan Governante ba Jornalista sira iha Edifísiu Ministériu Finansa, Ai-Tarak-Laran Dili, sesta ne’e.

Otél hamutuk 26 maka governu aluga hodi sai fatin kuarentena obrigatóriu, maibé 25 prosesu dokumentu ramata ona no ida seluk seidauk tanba sei presiza atu kompleta tan dokumentu balun.

Enkuantu ba Kompaña forñese hahán hamutuk 24, Ministériu finaliza ona dokumentu ba kompañia hamutuk 19 no sei falta haat.

“Kona-ba kustu otél mak ha’u seidauk hatene detallu maibé ba hahán ne’e rihun $ 80 ba kada fornesedór maibé ita haree ba sira-nia pedidu fornesimentu hahan ne’e,” katak Bonifácio.

Iha fatin hanesan Diretór Nasionál Planu Finansa Ministériu Saúde, Marcelo Amaral relata, nia parte sei hahú halo pagamentu ba kompañia forñese hahán no Otél sira iha semana oin.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here