Portavóz Gabinete Sentru Integradu Jestaun Krize (CIGC), Sergio Lobo. Imajen/Egas Cristovao

DILI, 19 maiu 2020 (TATOLI)-Portavóz Sala Situasaun Sentru Integradu Jestaun Krize (CIGC-sigla portugés) Sergio Lobo hateten, CIGC to’o ohin kontinua la-rejista kazu konfirmadu COVID-19 foun no mós númeru abitante iha kuarentena obrigatóriu no auto-kuarentena menus  ona ba ema na’in 90.

“Ema ne’ebé agora daudaun sei iha kuarentena hamutuk 90, na’in lima halo auto- kuarentena iha munisípiu, na’in 38 halo auto-kuarentena iha Dili, ema na’in neen kuarentena governu nian iha munisípiu, ema na’in 41 halo kuarentena governu nian iha Dili,”katak Eis Ministru Saúde, Sergio Lobo, durante konferénsia imprensa iha CCD, Merkadu Lama, tersa ohin.

Tuir relatóriu ne’ebé maka fó sai husi CIGC ohin relata ema na’in 1.532 maka halo ona teste laboratóriu, hein rejultadu 289, konfirmadu COVID-14 24, kazu foun 0, rejultadu negativu 1.219, provável ema na’in haat.

Alende ne’ee abitante na’in 2.242 maka pasa ona kuarentena obrigatóriu no auto-kuarentena iha Dili no Munisípiu.

Ikusliu, Sergio Lobo, reprezenta Governu hodi kontinua apela ba komunidade atu mantein distánsia sosiál, fizíku, uza maskra no seluktan.

Jornalista : Hortencio Sanchez

Editór      : Agapito dos Santos

HAKEREK NO HATÁN

Please enter your comment!
Please enter your name here