Prezidente Tribunal Rekursu, Deolindo dos Santos. Imajen/Antonio Goncalves

DILI, 14 maiu 2020 (TATOLI)–Prezidente Tribunál Rekursu (PTR), Deolindo dos Santos hateten, desizaun Tribunál Rekursu kona-ba Petisaun hosi Deputadu Partidu Congresso Nacionál Reconstrução Timorense (CNRT),  bazeia ba kestaun prosesuál la’ós méritu.

“Pareser ne’ebé konjunta iha prosesu ne’e nia laran. Desizaun ne’ebé fó-sai iha 11 maiu, ami la haree ba méritu. Kestaun prosesuál de’it ne’ebé mak ami deside iha ne’eba. Paraser ne’e kona-ba méritu,” dehan Deolindo dos Santos ba jornalista sira hafoin hala’o enkontru mensál ho Prezidente Repúblika iha Palásiu Prezidensiál, Bairru Pité, Dili, kinta ne’e.

Nu’udár Prezidente Tribunál Rekursu, Deolindo mós lakohi atu ko’alia liután kona-ba ida ne’e, tanba konsidera seidauk bele to’o iha ne’eba.

“Ha’u mós labele profunda liu kona-ba méritu, enkuantu seidauk to’o iha ne’eba. Ita ko’alia de’it kona-ba kestaun prosesuál, formalidade,” nia hateten.

Entretantu, iha 11 fulan maiu tinan 2020, Tribunál Rekursu hasai ninian desizaun kona-ba petisaun hosi deputadu CNRT hasoru Prezidente Repúblika.

Jornalista : Cipriano Colo

Editór        : Cancio Ximenes

HAKEREK NO HATÁN

Please enter your comment!
Please enter your name here