Reprezentante UNICEF, Valérie Taton (liman loos), Maria Vitoria (liman karuk), hatudu karta akordu, hafoin asina estensaun kontratu ho UNICEF nu’udar advogada ba labarik no foin-sa’e iha Timor-Leste. Serimonia asina akordu ne’e hala’o iha Kaikoli, ohin. Imajen mídia UNICEF

DILI, 7 maiu 2020 (TATOLI) – Fundu Nasaun Unida ba labarik (UNICEF, sigla inglés) liuhosi ninia reprezentante, Valérie Taton, ohin, estente kontratu ba kantora, Maria Vitoria da Costa Borges, nu’udar advogada ba labarik no foin-sa’e sira iha Timor-Leste.

UNICEF kontrata Marvi iha maiu 2019, hodi halo advokasia ba labarik no foin-sa’e sira iha área muzika, artista, filme inklui desportu. Tinan kotuk, MARVI hola parte ona iha eventu balun no involvimentu ne’ebé foka liu ba konsientizasaun asuntu sira mak labarik no foinsa’e sira hasoru, no mós halo advokasia ba melloramentu asesu ba kuidadu saúde, edukasaun, protesaun no partisipasaun.

“Ha’u kontente tebes atu kontinua parseria ho UNICEF, hodi atinji buat ne’ebe mak ami realize ona iha pasadu no selebra mundansa ba labarik no foin-sa’e sira iha Timor-Lesre”, dehan Marvi tuir nota komunikadu ne’ebé TATOLI simu hosi mídia UNICEG.

Kontinuasaun servisu hamutuk ne’e, Marvi sei kontinua ho esforsu advokasia hodi hadi’a kualidade edukasaun, kuidadu saúde, protesaun, no aumenta foin-sa’e sira-nia partisipasaun iha polítika no dezenvolvimentu.

“MARVI sai ona advogada ida di’ak tebes ba labarik no foin-sa’e nia direitu, ko’alia husi-nia fuan-laran, no kona loos ba fuan no moris liuhusi-nia advokasia”, dehan Valérie Taton, Reprezentativa UNICEF. “Ita hakarak servisu hamutuk nafatin ho Marvi hodi ajuda hadi’a labarik Timor-oan hotu-niafuturu”.

Serimonia hanaruk kontratu ba manán nain The Voice of Portugal ne’e hala’o iha Kaikoli.

Marvi apaixonada ho kanta no asosia ho UNICEF hahú husi idade ki’ik, iha ne’ebé nia talenta kanta diskobre liuhusi tinan tolu iha kompetisaun ida organiza husi UNICEF iha kampu refujiadu ida iha 2006. (ki)

1 KOMENTÁRIU

HAKEREK NO HATÁN

Please enter your comment!
Please enter your name here