Portavóz CIGC no Koordenadór Ligasaun Ofisiál ba Forsa Tarefa COVID-19, Rui Maria de Araújo. Imajen/Egas Cristovão

DILI, 05 maiu 2020 (TATOLI)-Portavóz Sala Situasaun Sentru Integradu Jestaun Krize, Rui Maria de Araújo informa rezultadu teste laboratóriu ba ema na’in 29 ne’ebé iha relasaun família no kolega ho profisionál saúde ida ne’ebé pozitivu COVID-19 foinlalais ne’e, la deteta sira transmite ona ba surtu coronavirus tanba rezultadu negativu.

“Profisionál Saúde ida ne’ebé konfirmadu iha loron 24 abríl liubá ninia membru família, no kolega servisu hamutuk ema 29 hatudu rezultadu laboratóriu negativu,”dehan, Rui Maria de Araújo, durante konférensia imprensa iha CCD, tersa ohin.

Nune’e, mós husi rezultadu preliminar hosi atividade traijen no vijilánsia sentinela iha Munisípiu Liquiça hatudu porsentu 50 % hosi amostra ne’ebé foti ona hatudu negativu no seidauk iha transmisaun lokál ba surtu Coronavirus iha komunidade nia leet.

Eis Primeiru-Ministru durante mandatu Governu Konstitusionál daneen ne’e hatutan númeru ema ne’ebé halo ona teste hamutuk 719, hein rezultadu 73, negativu 622, konfirmadu 24 na’in 20 rekuperadu, provável na’in haat no konfirmadu 16, no ema na’in ualu maka sei baixa iha sala izolamentu Sentru Saúde Vera-Cruz.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here