Prezidente Parlamentu Nasionál, Arão Noé de Jesus da Costa Amaral. Imajen Tatoli/Cipriano Colo

DILI, 16 marsu 2020 (TATOLI)—Prezidente Parlamentu Nasionál, Arão Noé de Jesus da Costa Amaral informa, Parlamentu Nasionál (PN) hein konteúdu proposta hosi Governu kona-ba alterasaun datoluk Lei Orsamentu no Jestaun Finanseira (LOGF-sigla portugés).

Proposta alterasaun ne’e aprezenta hosi Ministra Finansas Ein-Ezersísiu Sara Lobo Brites ba Konsellu-Ministru. Proposta alterasaun datoluk ne’e ba lei númeru 13/2019, 21 outubru kona-ba Lei Orsamentu no Jestaun Finanseira.

Ho proposta hosi Ministériu Finansas nian ne’e, Governu liuhosi desizaun koletiva Konsellu-Ministru (KM) aprova ona iha loron-kuarta, 1 1 marsu 2020 foin lalais ne’e.

“Aprezenta lai mak ita haree konteúdu. Tanba sistema normál hanesan ne’e Governu hatama mai no haruka ba parser tékniku hosi dirasaun apoiu plenaria, depois baixa ba komisaun ne’ebé relevante para halo pareser depois debate iha pelnária hodi haree ba konteúdu. Se karáter urjénsia parlamentu tenke aprova tanba ida-ne’e liga ba estadu ninia moris,” dehan Prezidente Parlamentu Nasionál, Arão Noé de Jesus da Costa Amaral, informa ba jornalista sira iha Parlamentu Nasionál, segunda ne’e.

Prezidente Parlamentu Nasionál lakohi komenta liután tanba to’o agora governu seidauk aprezenta proposta alterasaun kona-ba asuntu ne’e tanba plenária mak aprova.

“Plenária mak aprova la’ós prezidente mak aprova. Se prezidente mak aprova, ha’u bele dehan kedas lori mai ha’u aprova ona maibé kompeténsia ne’e plenária nian,” dehan Prezidente Parlamentu Nasionál.

Notísia Relevante: PN Hein Konteúdu Proposta Alterasaun Lei Orsamentu no Jestaun Finanseira

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here