Diretór Kliniko HNGV, Flavio Brandao. Imajen/Tatoli

DILI, 14 marsu 2020 (TATOLI)-Ekipa voluntáriu hamutuk 32, iha sesta (13/03/2020) tuir fórmasaun iha Ospitál Nasionál Guido Valadares (HNGV-sigla portugés) hodi halo prevensaun ba coronavirus iha Timor-Leste.

Ekipa ne’e kompostu hosi médiku, espesialista, parteira, enfermeiru no seluk tan ne’ebé maka sei koloka ba fatin izolamentu iha Tibar, Postu Administrativu Bazartete, Munisípiu Liquiça, Sentru Saúde Vera Cruz, no Sentru Saúde Bairo Formosa Dili.

“Ekipa voluntáriu sira ne’e tuir treinamentu no sei hala’o sira-nia servisu iha Tibar, Vera Cruz no Formoza kona-ba kazu coronavirus bainhira mosu iha ita-nia rain,”informa Diretór Klíniku HNGV, Flavio Brandão ba jornalista bainhira remata formasaun iha salaun HNGV sesta (13/03/2020).

Tuir planu iha semana oin sei halo tan treinamentu ba membru Polisia Nasionál Timor-Leste (PNTL) no FALINTIL-Forsa Defeza Timor-Leste hodi halo vizilansia bainhira fó atendementu ba pasiente COVID-19.

“Pesoál Saúde 32 ne’ebé tuir treinamentu ne’e sira nia fatin mak tau matan iha izolamentu kuarentena tanba ne’e mak sira-nia papel esensiál tebes ita hotu orgullu tanba iha faze ida ne’ebé mak krítiku ba jerasaun foun sira maibé sira dedika aan fó sira-nia matenek no brani hasoru situasaun ida ne’e,”tenik, Flavio Brandão.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here