Logotipu UNITAL.

DILI, 13 marsu 2020 (TATOLI)-Universidade Orientál Timor Lorosa’e (UNITAL), husu ba Ministériu Ensinu Superiór Siénsia no Kultura (MESSK) hodi fó formasaun lían portugués ba Dosente sira.

Pro-Reitór ba Asuntu Akadémiku, Euzébio diaz Quintas, hateten formasaun ne’e importante atu hasa’e abilidade dosente sira iha liliu lían portuguesa tanba dadauk ne’e dosente barak seidauk hatene koa’lia lían nasaionál ne’e durante prosesu aprendijazen.

“Ita-nia Ministériu Enisnu Superiór fó sai ona regras ba Universidade sira atu hahú utiliza ona língua portuguesa iha prosesu aprendijazen kuandu profesór ida mak lahatene lían ne’e labele sai dosente,” dehan, Pro-Reitór Euzébio ba TATOLI, iha ninia servisu fatin, sesta (13/03/2020).

Nia esplika oras ne’e dosente barak maka seidauk priénxe rekézitu MESSK nian katak atu hanorin estudante sira tenke domina lían Portugués.

“Ita atu uza loloos língua portugués iha Universidade ida ho kondisaun dosente sira hanesan ne’e. ha’u hanoin tinan 20 ba oin mak foin bele uja ho didi’ak, ha’u ema ida nível grau akadémiku agrikultura ho kursu portugués nível báziku ne’e bele ona uza língua portuguesa hodi hanorin matéria agrikultura ba estudante sira ,” tenik tan.

Nia hateten, bainhira programa ne’e atu la’o diak, Ministériu presiza konsidera pedidu ne’e hodi implementa iha planu asaun nasionál kada tinan hodi reforsa kualidade dosente sira iha UNITAL Dili.

Jornalista : Tomé Amado

Editór     : Agapito dos Santo

HAKEREK NO HATÁN

Please enter your comment!
Please enter your name here