Logotipu UNDP

DILI, 04 marsu 2020 (TATOLI)-Konsellu Imprensa (CI-sigla Portugés) parseria ho Programa Dezenvolvimentu Nasaun Unidu (UNDP-sigla Inglés) hahú kuarta (04/03) ohin, to’o kinta aban, oferese formasaun ba jornalista nasionál hamutuk 38 hosi mídia imprime, eletrónika no online sira iha Timor-Leste atu oinsa verifika faktus hodi kombate notísia fact news sira ne’ebé espailla iha públiku.

Jornalista hosi mídia nasionál sira ne’e maka TATOLI, Intitutu Públiku, Dili Post, TV Edukasaun, Radio Komunidade RTTL, ep, Radio Televizaun Maubere, Tafara, Neon Metin no seluk tan ne’ebé hala’o iha Otél Ramelau Comoro Dili.

“Formasaun ne’e loron rua hahú ohin no aban atu oinsá partilla informasaun kona-ba verifikasaun faktus no dadus ba notísia sira ne’ebé mak agora dadaun akontese iha ita-nia sosiedade nia le’et ,”Informa Konseleru Konsellu Imprensa, Francisco Simões ba jornalista sira ohin.

Jornalista sira persiza iha koñesementu di’ak atu destingi notísia falsu no los hodi nune’e públiku labele komsumu informasaun sira ne’e hodi kria instabilidade.

“Ita ohin loron ne’e ih erra dijitál ne’ebé mosu iha facebook ho boatus barak maibé atu hatutan informasaun ita mós persiza halo verifikasaun ho didiak ba notísia sira ne’e,”tenik Simões.

Nu’udar jornalista iha kna’ar no obrigasaun importante atu verifika informasaun sira ne’ebé lansa iha mídia sosiál faceebook, twitter antes halo publika ba públiku hodi Evita fact news.

Iha fatin hanesan, Deputy President Representative UNDP, Lazima Onta, hateten orgullu ho partisipasaun jornalista nasionál no Munisípiu sira tanba formasaun ne’e importante ba profisaun jornalista sira.

UNDP mós oras ne’e servisu hamutuk ho Sekretáriu Estadu Komunikasaun Sosiál (SECOMS-sigla portugés)atu dezenvolve orgaun komunikasaun sira iha Timor-Leste.

“Jornalista tenke buka hatene informasaun saida deit ne’ebé mak iha faktu lolos no jornalista mós buka hatene kona-ba informasaun ne’ebé mak falsu jornalista tenke hatene atu nune’e labele konfuzaun iha komunidade nia leet,”nia rekomenda.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here