Sekretáriu Estadu Arte no Kultura, Teófilo Caldas. Imajen/Tatoli Egas Cristovao

DILI, 27 fevereiru 2020 (TATOLI) – Governu liuhosi Sekretáriu Estadu Arte no Kultura (SEAK), Teófilo Caldas, hatete governu sei kria regulamentu ida rigór hodi regula joven sira ne’ebé kaben no grávida sedu, tanba fó impaktu ba estabilidade família, sósiu-ekonónimu, má nutrisaun no seluk tan.

“Tanba ne’e, ita presiza kria regulamentu ruma hodi proteje sira-nia direitu no prosesa sira-nia aktu krime sira ne’e. Ita bele dehan aktu krime tanba grávida sedu maibé laiha responsabilidade”, katak nia iha salaun INFORDEPE Balide, ohin.

Nia hatutan tan: “Labarik moris ba soe, entaun tenke hamosu rezolusaun ka dekretu lei ida, nune’e bele kombate aktu refere”.

Iha oportunidade ne’e, SEAK husu ba Institutu Nasionál Siénsia Teknolojia (INCT-portugés) atu kontinua halo peskiza, nune’e bele hetan motivu husi aktu hirak ne’e depois mak tau regulamentu hodi sulusiona.

Nia dehan, to’o agora seidauk iha lei ruma atu regula kona-ba grávida sedu, maibé Timor foin mak iha lei ida kona-ba kode sivíl no kode penál, kuandu halai ona ba aktu krime, Governu tenke hamatan.

“To’o agora ita seidauk iha lei ida hodi define labarik feto idade hira mak bele kaben no grávida. Espera ba oin ita iha lei kona-ba ida ne’e para inan-aman bele fó hanoin ba nia oan-sira”, nia haklaken.

Jornalista : Osória Marques

Editór      : Cancio Ximenes

3 KOMENTÁRIU

  1. Ho respeita hatan ba topiku iha leten konba kaben sedu ne pesoal hkrk htte ne laos aktu krime ho razaun iha ema barak nebe kaben sedu maibe IHA RESPONSABILIDADE kontrario ho maluk sira nbe ita konsidera veteranus ona iha kamamentu(kaben) maibe LAIHA RESPONSABILIDADE. sujere topiku ne muda ba TAU LEI BA SIRA NEBE KABEN SEDU NO KABEN ANTIGUA MAIBE LAIHA RESPONSABILIDADE.(opiniaun deit) Obrigado abc…

    • Kaben Sedu Laos Problema.
      Problema mak Laiha Resposabilidade.
      Se ema Nain Rua Kaben Sedu maibe Moris Hakmatek no Nunka Husu Ba Estadu No Gevernu atu Ajuda. Signifika sira Moris diak hela.
      Aktu Soe bebe laos Joven mesak mak komete.

HAKEREK NO HATÁN

Please enter your comment!
Please enter your name here