Logo UNITAL.

DILI, 25 fevereiru 2020 (TATOLI)-Universidade Orientál Timor Lorosa’e (UNITAL) dadaun ne’e hahú implementa ona rekomendasaun hosi Ajénsia Nasionál Avaliasaun Akreditasaun Akadémika (ANAAA) nian hodi hatun nivél lisensiatura (S1)ba  baxarelato, kursu jestaun turístika tanba la pasa ona avaliasaun dala rua.

Dekanu Fakuldade Ekonomia UNITAL, Arlindo do Ceu Fátima, informa estudante foun ne’ebé hili jestaun turístika integra ona ba kursu jestaun.

“Agora estudante sira ne’ebé mak antes ne’e hili ona kursu jestaun turistíka, integra fali sira ba konsentrasaun iha kursu jestaun. Ne’ebé sira husi semester I-IV kontinua ho matéria  jérais jestaun nian no semester V-VII tama ona ba konsentrasaun turistíka,”informa Arlindo do Ceu Fátima, ba TATOLI iha ninia servisu fatin, ohin.

Iha segunda (24/02/2020), Diretór Ezekutivu ANAAA, Edmundo Viegas informa nia parte halo ona avaliasaun  dala-rua ba kursu Jestaun Turístiku UNITAL, maibé la pasa tanba la prienxe kritéria hosi Ajénsia Nasionál Avaliasaun Akreditasaun Akadémika maka menus rekursu umanu, ekipamentu no seluk tan.

“Tanba kursu jestaun turístiku nivél lisensiatura dala-rua la pasa entaun konsekuénsia sira tenkie taka kursu ne’e,” katak Edmundo.

Nia dehan, Universidade UNITAL persiza informa ba ANAAA atu kontinua funsiona departementu Ekonomia, Jestaun Turístiku hodi hetan koñesimentu.

“Ita taka kursu ne’e tanba sira la iha kbi’it atu hakat to’o nivél lisensiatura. Ne’ebé sira mós simu konsekuénsia hodi taka nivél kursu ida ne’e,”nia realsa liután.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here