Diretor Jerál STAE, Edgar Sequeira Martins. Imajen TATOLI/Egas Cristóvão

DILI, 25 fevereiru 2020 (TATOLI)–Diretór Jerál Sekretariadu Tékniku Administrasaun Eleitorál (STAE), Edgar Sequeira Martins, ohin,  atualiza serbisu sira ne’ebé mak STAE halo ona durante ne’e ba Primeiru-Ministru, Taur Matan Ruak.

“Ami mai atu atualiza ami-nia serbisu STAE nian  durante ne’e no saída mak STAE hala’o ona ba Primeiru-Ministru, Taur Matan Ruak,” dehan Diretór Jerál STAE, Edgar Sequeira Martins, ba jornalista sira hafoin hasoru malu ho Primeiru-Ministru, Taur Matan Ruak, iha Palásiu Governu, Dili, ohin.

Nia informa, durante ne’e Sekretariadu Tékniku Administrasaun Eleitorál (STAE) kontinua emite kartaun eleitorál ba eleitór sira ne’ebé mak atinje idade 17 ba leten ne’ebé presiza atu halo kartaun eleitorál.

Iha tinan 2019, nia hatutan, STAE emite kartaun eleitorál ba eleitór sira hamutuk 810.067 no iha loron 3 janeiru to’o 12 fevereiru 2020 mak STAE emite kartaun eleitorálba eleitór sira hamutuk ema na’in 4.000.

Husu kona-ba karik akontese eleisaun antesipada iha tempu badak ne’e. nia hatán, STAE sempre preparadu bainhira de’it eleisaun antesipasaun ne’e atu akontese.

Jornalista : Osória Marques

Editór       : Cancio Ximenes

HAKEREK NO HATÁN

Please enter your comment!
Please enter your name here